Feeling mga bata raw... RHIAN AT SAM, NAG-A-UNFOLLOW SA ISA'T ISA 'PAG MAY LQ

ni Nitz Miralles @Bida | December 30, 2022

Pina-follow na uli nina Rhian Ramos at Sam Verzosa ang isa’t isa sa Instagram at parang tama kami na nagkaroon lang ng tampuhan o lover’s quarrel ang dalawa at nag-unfollow-han sa IG. Naayos na siguro nila ang isyu sa kanilang pagitan, kaya pina-follow na nila uli ang isa’t isa.

Hindi nga lang natuwa ang mga netizens sa galawang teen-ager at high school nina Rhian at Sam.

Ang petty at childish daw ng kanilang ginawa at kapag nagkabati ay follow uli. May nag-comment pang immature ang dalawa at hindi na cute ang mga ganitong drama.

May mga natuwa rin naman na okay na sina Sam at Rhian dahil deserved daw ng Kapuso actress ang guy na makakapagbigay sa kanya ng stable relationship at naniniwala silang si Sam na ‘yun.

Sa mga nagsabi namang mas in-love si Sam kay Rhian, pareho lang daw ang dalawa. The fact na tinanggap ni Rhian si Sam na may apat nang anak sa unang karelasyon, ibig sabihin, mahal niya ito.

Ang wish na lang ng mga netizens at fans na rin ni Rhian, the next time na magkakaroon sila ng LQ, ‘wag nang mag-unfollow-han sa socmed. Hindi na raw bagay sa kanila.