Fashion icon, iba raw ang lakas ng impact… PIA, ANNE, MICHELLE DEE, SARAH, NO MATCH PA RIN KAY HEART

ni Janiz Navida @Showbiz Special | October 7, 2025

Photo: Heart Evangelista - IG

Dahil sa desisyon ni Heart Evangelista na ‘wag munang rumampa sa Paris Fashion Week, tila ine-enjoy naman daw nang husto ng mga kapwa niya Pinay celebrities ang absence ng fashion icon dahil nabibigyan sila ng moment ngayon na umagaw ng eksena sa pagrampa roon.

Kasalukuyang nasa Paris sina Anne Curtis, Pia Wurtzbach, Kylie Versoza, Maggie Wilson, Michelle Dee, Sarah Lahbati, Max Collins, Gabbi Garcia among others.

Pero pansin ng mga netizens, kahit ang gaganda rin naman ng mga naturang celebrities, iba pa rin ang awra ni Heart at ang lakas talaga ng dating at impact nito kapag siya na ang rumarampa abroad. ‘Yung talagang kahit yata ukay-ukay ang isuot ni Heart, mapapalingon ka pa rin dahil sa kakaibang galaw at karisma niya sa pag-i-strike ng pose.

Mahusay din siyang pumili at magdala ng outfit kaya lagi siyang kasali sa mga Best Street Style.

Kakaiba rin ang energy at atmosphere ng Paris Fashion Week ‘pag present si Heart, ayon sa ilang netizens. Mas marami raw ang excited at interested na social media users sa mga outfit ni Heart kesa sa mga rumarampa ngayon doon na Pinay celebrities.

Ang advantage naman kasi ni Heart bukod sa galing niyang umawra habang rumarampa, mahusay din siyang magsulat ng mga captions ng post niya at very creative, pati sa pagpili ng music sa kanyang mga reels.

Pero kahit wala man sa Paris si Heart Evangelista, parang may sarili naman siyang version ng nasabing fashion event. Naka-outfit din siya at parang nasa pictorial ng mga sponsored brands niya like may pasilip siya sa Dior couture. May pictorial siya sa Prada at iba pang luxury brands.

Kaya naman, nag-trending ang photos ng latest Instagram at Facebook post ni Heart. Abangers ang mga fans niya sa mga ganap niya na nag-uunahang magkomento sa look ng misis ni Senator Chiz Escudero.

May komento rin ng pagkukumpara kay Heart at sa mga celebrities na nasa PFW ngayon ang ibang netizens.

Ilan sa mga nabasa namin, “Fashion Week will not be the same for the Philippines without you there.”

“Ano ba ‘yan, hindi na nga um-attend ng fashion week pero ‘yung IG feed niya, still serving front-row looks!”

Yes, ganern! Iba talaga ang influence ng isang Heart Evangelista!

---

Yup, kaya pala malakas ang loob…

SHOWBIZ PERSONALITY, BINAYARAN NANG MILYONES NG KONTROBERSIYAL NA BUSINESSWOMAN PARA SIRAAN ANG PADIR NA TV HOST NG WELL-LOVED POLITICIAN

BLIND ITEM:

SO, totoo pala ang feeling namin na binayaran ang laging pakontrobersiyal na showbiz celebrity sa movie industry para sirain ang image ng amang TV host ng isang well-loved politician (WLP).

Nakausap namin ang isang reliable source na malapit sa TV host na nagdemanda sa showbiz celeb na ito dahil sa pagkakalat ng isang fake news tungkol sa nakaraan ng ama ni WLP. 

Dahil aminado ang showbiz celeb na tagilid siya sa demanda ng TV host, nakiusap pala itong bawasan o babaan ang danyos na haharapin niya kapag natalo sa kaso.

At ang chika pa ng aming source, natuklasan sa pag-iimbestiga ng kampo ng TV host kung sino ang malaking tao na nasa likod ng paninira sa kanya at siyang nagbayad sa showbiz celeb nang milyones para magpakalat ng fake news. 

Walang iba kundi ang controversial businesswoman na sikat ngayon dahil sa kagustuhan nitong kalabanin sa pulitika ang anak ng TV host.

So, ganu’n pala ang kuwento. Kaya pala ang lakas-lakas ng loob at ang tapang nu’ng una ng showbiz celeb, super-rich ng kanyang financier. 

Pero ngayon, tameme na siya lalo’t mukhang tagilid din ang kanyang ‘bossing’.