Fan na fan daw ni Chinita Princess… REGINE, SI KIM ANG PINAGLIHIAN SA ANAK

ni Vinia Vivar - @Frankly Speaking | September 29, 2022

So, kay Kim Chiu pala ipinaglihi ni Asia’s Songbird Regine Velasquez ang panganay nilang anak ni Ogie Alcasid na si Nate.

Ibinunyag ito ni Regine sa episode ng Magandang Buhay kung saan ay guest nila si Kim.

“Gusto ko lang sabihin na nu’ng buntis ako, pinaglihian ko kasi siya,” sey ni Songbird.

She also revealed na fan na fan daw siya ni Kim noon pa. Kaya nga raw pumayag siyang kantahin ang theme song ng seryeng My Binondo Girl na pinagbidahan ni Chinita Princess at ng boyfriend na si Xian Lim. That time ay nasa GMA-7 pa si Songbird.

“Kinanta ko talaga ‘yun kasi fan na fan ako. Tapos 'yung gustung-gusto ko talaga siya. I just wanted to sing the theme song of her soap,” kuwento ni Regine.

Ayon pa kay Songbird, hindi raw siya nagkamali sa paghanga kay Kim.

“Alam mo 'yung 'pag nami-meet mo 'yung hinahangaan mo, tapos parang 'pag tinitingnan mo, 'yung parang hindi ako nagkamali kasi mabait.

“'Di ba, parang matutuwa ka rin. Parang, ‘Ay, 'di ako nagkamali, ang bait,'” sey pa ni Momshie Regine.

“Nakakatuwa, nakaka-proud,” sambit pa ng singer-actress.

Sey pa niya kay Kim, “I just want you to know that I have been a fan, bata ka pa lang.”

Parang matutunaw naman si Kim at hindi alam ang gagawin sa mga papuri ni Regine lalo nang sabihin pa ni Songbird na “Kaya minsan, hindi ko siya kinakausap kasi nga medyo nai-star struck ako, kaya nakatunganga lang ako.”

Pati nga raw si Ogie Alcasid na kasama na ngayon ni Kim sa It’s Showtime ay tuwang-tuwa sa girlfriend ni Xian.

“Tapos 'yung asawa ko, tuwang-tuwa sa kanya kasi ang bait-bait daw talaga,” ani Regine.

Mensahe ni Regine kay Kim, “But you do inspire a lot of people, like ako. Kahit mas matanda ako sa iyo, nai-inspire mo rin ako.”