‘False positive’, malaking perhusiyo sa mga biktima

ni Ka Ambo - @Bistado | May 31, 2021

Tumakbo na tungong US si Sharon Cuneta.

Baka doon siya kakandidato?

◘◘◘

NAG-FALSE positive si Sharon sa COVID test.

Kaylaking perhuwisyo ang kanyang sinapit niya.

Nasayang ang kontrata sa Holywood!

◘◘◘

MARAMING nagrereklamo sa false positive.

Pasyente lang ang positive, pero negatibo sa COVID ang buong pamilya.

Naperhuwisyo sila ng 14-days quarantine, stress at pandidiri ng mga kapitbahay!

◘◘◘

SA inilalabas na datos ng DOH, araw-araw ay kasama mismo ang false positive at maging ang mga asymptomatic.

Hindi ito repleksiyon ng pandemic.

Repleksiyon ng kahinaan ng kukote ng mga pumoposturang awtoridad!

◘◘◘

ANG pagdami ng bilang ng nagkaka-COVID ngayon ay hindi repleksiyon ng pandemic sa buong bansa.

Aminado ang awtoridad na papaliit na ang bilang ng nagkaka-COVID sa Metro Manila.

Hindi ito ipinapaliwanag nang maayos sa taumbayan!

◘◘◘

DAPAT lumikha ng task force na magba-validate ng datos.

Dapat ding i-audit agad ang transaksiyon sa mga ospital.

Maraming maysakit at namatay na minamarkahan ng “COVID” kahit hindi naman!

◘◘◘

ANG sertipikasyon sa pagkakaroon ng COVID ay madaling imanipula.

Nagkakamal ng salapi ang mga may-ari ng pribadong ospital.

Hindi naman nagbibigay na dagdag-suweldo ang mga may-ari sa mga personnel na nanganganib ang buhay!

◘◘◘

ANG isa pang raket sa mga ospital ay ang pagso-solicit ng “share” sa mga itinatayong ospital.

Hindi pa gawa ang ospital, pero nagso-solicit sila ng sosyo sa mga doktor at kaawa-awang financers.

Dapat itong imbestigahan ng SEC at DOH!

◘◘◘

WALA nang susulingan at maglalaho na ang COVID.

Pero, ang mga walang hiyang manipulators, tinatangka pa ring palalain ang problema gamit ang kaduda-dudang datos!

◘◘◘

GUMIGIRE na ang mga pulitikong pulpol.

Binabawasan na ang mga dinambong na COVID fund!

◘◘◘

NAKAPOKUS na sa social media ang political campaign sa 2022.

Ano’ng social media?

◘◘◘

DIGITAL convergence ang tawag sa telekomunikasyon ngayon.

Walang ganap na nakauunawa nito!

◘◘◘

ANG tao ay nalipasan at napag-iwanan na ng modernisasyon at teknolohiya.

Kung hindi nagka-COVID, lalong hindi makasasabay ang sibilisasyon sa nagbabagong mundo!