Ex-wife ni Bossing Vic, tinawag na Mama D... DINA, PURING-PURI ANG RESPETO SA KANYA NI PAULEEN

ni Beth Gelena @Bulgary Files | February 2, 2023

Sa Fast Talk with Boy Abunda ay si Dina Bonnevie ang next na nakasalang for interview.

Na-tackle niya ang relasyon ng dating asawa na si Vic Sotto sa asawa nito ngayon na si Pauleen Luna.

Inalala ng beteranang aktres ang pagbibigay-pugay sa kanya ni Pauleen. Si Pauleen daw ang unang lumapit sa kanya at in-introduce ang sarili saka ipinakilala ang anak nila ni Vic na si Tali.

“Pauleen and I are okay,” ani Dina.

"We see each other in a lot of family gatherings, mga birthday ng mga anak ni Danica, birthday ng mga anak ni Oyo, and she's okay. She comes to me and she says, 'Mama D, magbibigay-pugay lang po. This is my daughter.' Ipinakilala niya 'yung daughter niya.”

Na-amazed naman si Dina sa gestures na ginawa ni Pauleen.

“Wow, it's really so nice of her to have come to our table and introduce herself. But, you know, if she wants to talk to me, fine. I don't mind.”

“Walang problema in other words,” ani Kuya Boy.

“Wala kaming angst ni Pauleen,” sey naman ng mahusay na aktres.

Dagdag pa niya, “Isa pa, ang gusto ko sa kanya is she really makes it a point that my children spend time with their dad. Hindi niya inilalayo.”

Sa FTWBA pa rin, nabanggit naman ang viral video ng aktres nu'ng kanyang kaarawan kamakailan.

Sa video, after na hipan ni Dina ang candle sa cake ay may sinabi siyang “Cakes are to be eaten, not pasted on other people’s faces.”

Pagkaklaro ni Dina, hindi raw niya intention na saktan ang feelings ni Alex Gonzaga.