Ex-wife, matagal nang ‘di nakakausap… BB, UMAMING ‘DI SILA FRIENDS NI CARMINA

ni Vinia Vivar @Frankly Speaking | July 10, 2026

Photo: FTWBA & IG _carminatics

Inamin ni BB Gandanghari na matagal na silang walang communication ng ex-wife niyang si Carmina Villarroel.

Sa guesting ng kapatid ni Sen. Robin Padilla sa Fast Talk with Boy Abunda (FTWBA), naitanong sa kanya ng King of Talk kung nagkakausap pa ba sila ni Mina.

“We are not in touch…” sagot niya.

Follow-up na tanong ni Kuya Boy ay kung ikino-consider ba niya si Carmina na isang friend.

“Maybe not as a friend kasi we haven’t really talked, but she always has that special place in my heart,” sey ni BB.

Naikuwento rin niya na bago siya umalis para manirahan sa US ay okay sila ni Carmina at magkapitbahay pa sila.

“We saw each other in the gym and that was the time when we were able to exchange hellos,” tsika niya.

Inamin din ni BB na excited nga raw siyang makitang muli ang ex-wife.

“I’ve always looked forward na makita s’ya ulit,” sey niya.

Samantala, sinabi rin ng dating aktor na mahigit dalawang buwan na siyang nasa bansa at ang kanyang health condition ang dahilan ng kanyang pag-uwi.

“Sa America, I was diagnosed with a cardiovascular condition, na nakakita ng blockage sa puso ko,” pagbabahagi niya.

“I was very emotional in the States. I was supposed to have an angiogram there, go through the whole process.

“But I wasn’t sure kasi sabi ko, I don’t know if I’m too young for that kasi they wanna put a stent on my heart already,” patuloy niya.

Nais daw niyang humingi ng second opinion mula sa mga doktor dito kaya nagpasya siyang umuwi ng bansa.

“And then, I had my procedure last week for a second opinion. Of course, during that whole process, I changed my lifestyle, I changed my diet. Also, that’s the reason why I went to Iloilo, just to have that clear air, just to really magpahinga.

“So I had my procedure last week and God is good. So ‘yung blockage na nakita sa akin sa Amerika was diminished. Medyo bumaba ‘yung blockage to the extent that I don’t need a stent for it, which is the most important thing for me,” kuwento ni BB.