ERIKA AT KOBE, DATING, PIKTYUR NA MAGKASAMA, IDINISPLEY PA

ni Nitz Miralles - @Bida | June 17, 2022

Balitang "dating" sina Kobe Paras at Erika Poturnak, eldest ni Ina Raymundo. Marami na ang nagsi-ship sa kanila at gustong maging couple na sina Kobe at Erika. Bagay na bagay daw ang dalawa at natutuwa silang isipin na parehong nasa showbiz ang mom ng dalawa — sina Jackie Forster at Ina.

Kaya nalaman ang tungkol sa kanila dahil nag-post si Erika sa kanyang Instagram Stories ng photos na nasa beach siya kasama ang ilang kaibigan at isa roon si Kobe. Ni-reshare ni Kobe sa kanyang IG stories ang post ni Erika na pareho nang deleted.

Interesado ang mga Marites na malaman kung saan at paano nagsimula ang pagde-date nina Kobe at Erika. Gusto na rin nilang malaman kung magiging sila ba at ipinararating nila na pabor sila kung magiging couple sina Kobe at Erika.