ERASERHEADS, SAMA-SAMA ULI SA CONCERT DAHIL KAY ALDEN

ni Nitz Miralles - @Bida | September 21, 2022

Kasunod ng pagko-congratulate kay Alden Richards dahil ang bagong tayo niyang Myriad Corporation ang producer o isa sa mga producers ng reunion concert ng Eraserheads ang pasasalamat ng mga fans ng '90s band for bringing them back together again.

May nagpasalamat din kay Alden dahil maraming pinasayang fans ng E-Heads na matagal nang naghihintay ng concert ng banda.

Kaya ‘yung post ni Alden sa Instagram ng poster ng Huling El Bimbo na may caption na: “Lift your heads as I present to you, MY newest business venture Myriad Corporation as a part of this momentous event,” inulan ng congratulatory messages.

Wala pa kaming nabasang nanghihingi ng complimentary tickets at ang comment ng mga fans, susuportahan nila ang concert for the love of Alden and of course, sa E-heads.

Pati si Senador JV Ejercito, excited sa concert happening sa December 22 sa SMDC Festival Grounds sa Parañaque City.

Pero, bago ang concert ng E-heads, ang support ng kanyang mga fans sa airing ng Start-Up PH na first project nila ni Bea Alonzo ang hinihingi ni Alden.

Maniwala tayo sa sinabi ni Alden at ng ibang cast na “We have a good show at hindi kami mapapahiya sa inyo.”

Nabanggit din ni Alden ang “Very happy kami, me and all of the cast were very proud that we have a Bea Alonzo in the show.”