Enrique, oh! JAMES, UMAMING SILA PA NI NADINE, TYPE NA SI LIZA

ni Erlinda Rapadas - @Teka Nga | June 7, 2022

Marami ang nagtataka-nagtatanong tungkol sa sinabi ni Ogie Diaz, manager ni Liza Soberano, na mula't sapul pala ay si James Reid ang tumatayong co-signatory ni Liza kapag pumipirma sa anumang kontrata sa endorsement ang Kapamilya actress.

Ganu'n ba kalaki ang tiwala ni Liza kay James para tumayong guardian niya?

At matagal na pala ang friendship nina Liza at James. Kaya nang mag- expire na ang kontrata ni Liza kay Ogie Diaz ay si James Reid na ang kinuha ng aktres para mag-manage sa kanyang career.

Nasa USA ngayon si Liza para ayusin ang mga kailangan sa pangarap niyang maka-penetrate sa Hollywood. Ang BF naman niyang si Enrique Gil ay nasa Spain.

May ilang showbiz observers tuloy ang nagsasabing malaki ang posibilidad na madebelop sina Liza at James sa isa't isa dahil madalas silang magkasama. At noon pa, open si James sa pag-amin na type niya si Liza kahit na noong magkarelasyon pa sila ni Nadine Lustre.