Ebidensiya, inilabas sa socmed… MARK LEVISTE, BUKING NA 'LALAKING' DUMALAW KAY KRIS SA TATE

ni Nitz Miralles @Bida | February 16, 2023

Walang binanggit na pangalan si Kris Aquino sa post niya sa Instagram tungkol sa “determined man of your word to fly 13 hours each way to spend a few days with me on my birthday. For his effort I am GRATEFUL...” pero ang hula ng marami ay si Batangas Vice-Governor Mark Leviste ang kanyang tinukoy.

Nalaman ang tungkol dito dahil ‘yung nai-quote ni Kris na “distance is just a test to see how far love can travel” ay caption din ni Mark sa kanyang post with matching pink heart emoji.

Sa nasabi ring video post ni Mark, makikita si Kris sa loob ng car at nagulat pa nang makita si Mark.

Pinuri si Mark ng mga fans ni Kris at netizens dahil kahit daw hindi naging sila, nanatili naman silang magkaibigan. Ang gaganda ng comments gaya ng “I am so happy to know that someone is really there for Kris to support and love her no matter what” at “Thanks for loving Kris.”

May mga kinilig din sa gesture ni Mark dahil sa effort nito just to see and cheer Kris.

Matutuwa raw ang mga fans ni Kris kung mauuwi sa "more than friendship" ang relasyon nila dahil alam nilang in good hands si Kris. Ang maganda raw kay Mark, may sakit o wala si Kris, nakasuporta siya at wish nilang magtuluy-tuloy ito.