Eala pasok sa DC Open Finals, wagi kontra kay Osaka

by Gerard Arce @Sports News | August 2, 2026

Photo: Alex Eala vs Naomi Osaka - WTA

Muling gumawa ng ingay sa buong mundo ang Pinay tennis sensation na si Alex Eala matapos patumbahin ang four-time Grand Slam champion na si Naomi Osaka ng Japan sa magkasunod na sets, 6-4, 6-2, sa semifinals ng Mubadala DC Open sa Washington, D.C.. Dahil sa pambihirang tagumpay na ito, opisyal nang nakuha ng 21-anyos na kinatawan ng Pilipinas ang kanyang kauna-unahang tiket sa isang WTA 500 championship match.

Ipinakita ng world No. 28 na si Eala ang kanyang matinding pokus at determinasyon sa loob ng isang oras at 16 na minuto. Bagamat nagpalitan ng break sa unang set, napanatili ni Eala ang kalamangan matapos samantalahin ang mga errors ni Osaka para makuha ang 5-4 lead bago tuluyang isara ang opener. Sa ikalawang set, tuluyan nang dinomina ng batang Pinay ang dating world No. 1 sa pamamagitan ng matatalas na baseline returns at matatag na serve upang selyuhan ang makasaysayang panalo.

Sa darating na finals, makakaharap ni Eala ang top-seeded American star na si Jessica Pegula. Ito ang magiging pagkakataon ni Eala na makabawi sa kanyang pagkatalo kay Pegula noong nakaraang taon sa Miami Open at masungkit ang kanyang kauna-unahang kampeonato sa antas na ito.

---

World No. 25 na si Eala semifinalist sa DC Open

SUMAMPA sa pinakamataas na puwesto si Filipina tennis star Alex Eala sa World No. 25 at tatanggap ng $90,900 o higit sa P5.6-M pagpasok ng semis ng Mubadala Citi DC Open nang talunin muli si World No.10 Elina Svitolina ng Ukraine sa 6-3, 6-4 kahapon sa Rock Creek Park sa Washington, D.C. 

Pinatunayan niyang hindi tsamba ang naunang panalo sa singles match vs. Svitolina na unang beses na binigo sa grass-court Berlin Open, habang minsan na ring tinalo sa doubles match kasama ang kaibigang si Iva Jovic ng US kontra Svitolina at Venus Williams sa 2026 ASB Classic round-of-16.

Una niyang pinataob ang 2024 Paris Olympics gold medalist Zheng Qinwen ng China at pinatalsik ang defending champion Leylah Fernandez ng Canada sa 1st at 2nd rnd at makakaharap ang 4-time Grand Slam champion at World No. 13 Naomi Osaka sa top-4 round.

Tagumpay si Eala sa maagang pressure nang makaligtas  sa mga break point sa unang set, bago muling nagpakita ng mahinahong pagbangon mula sa 1-3 na paghahabol sa 2nd set.  “I think I came in with a great mindset today. I think I was playing really well. And of course Elina hit some good shots. She was being aggressive, especially in that second set. So I'm really happy that I was able to kind of keep my rhythm,” pahayag ni Eala, habang maghaharap sa ibang semis match sina No.1 seed at World No.3 Jessica Pegula ng US at Diana Shnaider. (Gerard Arce)