DYOWA NI ANGELINE, UMAMING MAY 3 NANG ANAK SA 2 BABAE

ni Julie Bonifacio - @Winner | May 23, 2022

Eksklusibong nakatsikahan namin ang singer and new mom na si Angeline Quinto in line with her concert 10Q: The US and Canada Tour via Facebook messenger last Thursday.

Ito ang kauna-unahang pagpapainterbyu ni Angeline sa media after she gave birthday sa kanyang baby named Sylvio.

Sa YouTube channel ni Angeline last Friday, ipinakita na niya si Sylvio sa publiko, plus may bonus pa na pagpapakilala sa ama ng bagets at live-in partner ng singer na si Nonrev.

Sa vlog din na ‘to, tinapos ng partner ni Angeline ang tsismis na batang ama siya.

Inamin ni Nonrev na at the age of 15 ay nagkaroon na siya ng anak na babae sa una niyang partner at nasundan pa ng isa pang anak na babae.

Nagkahiwalay si Nonrev at ang first partner niya kung saan may dalawa siyang anak na babae. Sa pangalawang partner niya, muling nagkaroon ng anak na babae si Nonrev.

So, bale fourth child na pala ni Nonrev si Sylvio, pero first boy niya.

Hindi pa pala ipinapakilala ni Nonrev kay Angeline ang kanyang tatlong anak na babae, pero promise niya sa singer, soon daw.

Anyway, ang BuDaKhel na grupo nina Michael Pangilinan, Daryl Ong at Bugoy Drilon ang special guests ni Angeline sa kanyang 10Q concert sa Canada sa September.

At tsika ni Angeline sa amin, isasama niya sa kanyang US and Canada tour si Nonrev at si Sylvio.

Ang 10Q: The US and Canada Tour this September and October, 2022 produced by A KreativDen Entertainment and Berce LLC, is presented by Spotlight Media Entertainment, MAP Entertainment & Backstage Ventures Ltd, Jullor Entertainment, Amor Yu Productions, V Fons Productions, Excel Productions, Barrio Fiesta Filipinas and Palabok House Promotions under the Musical Direction of Marvin Querido and Concert Direction of Dido Camara.