Dreamsoftheworld, gaano ba kagaling sa 3-YO race?

ni Green Lantern @Renda at Latigo | June 9, 2023

Masusubukan kung gaano kagaling ni Dreamsoftheworld pag-arangkada nito sa 3-Year-Old & Above Maiden Race na ilalarga sa Metro Turf, Malvar sa Tanauan City, Batangas, ngayong araw.

Rerendahan ni jockey Pabs Cabalejo si Dreamsoftheworld upang harapin ang walo pang tigasing batang kabayo na kalahok sa distansiyang 1,400 meter race, pakakawalan ito sa unang karera.

Nakatutok ang mga liyamadista kay Dreamsoftheworld kaya inaasahang markado ito sa mga karerista.

"Lamang si dreamsoftheworld sa laban pero paniguradong mabibigyan siya ng magandang laban ng ibang kasali," saad ni Paulo Sanchez, veteran karerista.

Nakalaan ang P20,000 added prize, ang ibang kalahok ay sina Flamenco Dust, My Star, Humble Strike, Mucho Talker, Spring Party, One Oh One, The Alpha Male at Lady Julianna.

Ayon sa mga komento ng mga karerista, posibleng magpakitang-gilas ang kalahok na sina Flamenco Dust at dehadong My Star.

Samantala, walong races ang ikakasa ng Metro Manila Turf Club Inc. (MMTCI) ngayong araw ng Biyernes, lahat ay suportado ng Philippine Racing Commission, (PHILRACOM) sa pamumuno ni chairman Reli De Leon.

Isa sa puwedeng abangan pa ng mga karerista ay ang bakbakan ng walong kabayo sa PHILRACOM Rating Based Handicapping System na pakakawalan sa pangalawang karera.

Magtatagisan ng bilis sa distansiyang 1,200 meter race ay sina Yakapin Mo Ako, Act Of Kindness, Pilya, Blue Mist, Asik Asik Falls, Can You Giub at magkakamping Chrome Soft at Snow White.

Mga Pili ni Green Lantern:

Race 1 - Dreamsoftheworld (9), Flamenco Dust (1), My Star (2), One Oh One (6)

Race 2 - Chrome Soft/Snow White (1/1A), Act Of Kindness (3), Pilya (4)

Race 3 - Rockaway (2), Raga Muffin (9), Katherine/Bondi Beach (1/1A)

Race 4 - Apollo (1), Miss Rosario (2)

Race 5 - Diez Catorce (5), Boni Avenue (3), Oh Rootie (8)

Race 6 - Golden Eight (4), Gold N Silver (8), Wild Act (1)

Race 7 - May Ten (5), Binibini (7)

Race 8 - Doktora (13), Commodota (10), My Dad Bogart (3)