Drayber na nagreklamong binugbog, mahal daw ng aktres… MAKE-UP ARTIST, TODO-TANGGOL KAY RHIAN, DUROG SA BASHERS

ni Nitz Miralles @Bida | January 31, 2026

Photo: FB Rhian Ramos

Pati ang make-up artist ni Rhian Ramos na si Aldrin Ramos, inaaway ng mga netizens dahil sa post sa Instagram (IG) Story nitong “There are always 2 sides to every story! I have known Rhian for quite some time now and she’s a genuine person. Her driver has been with her for ages (15 or 20 years maybe). I’m sure she loved him and I am a witness to that. We are just here for you, sissy @whianwamos!!! This will all be over in God’s time…”

Sinundan ito ng Facebook (FB) post, “We are not sure yet of what happened. There are always 2 sides to every story. I have known Rhian for quite some time and she is a genuine person! And she loves Boni. Let’s not judge her out of false allegations.”

Inaway na nga si Aldrin ng mga nakabasa ng post niya. Siyempre, ipagtatanggol daw niya si Rhian dahil friend niya, sikat at mayaman. 

May tumawag pang ‘kup*l’ kay Aldrin na nagpahayag lang naman ng saloobin at suporta kay Rhian.

Anyway, pati ang pananahimik nina Rhian, Michelle Dee at Samantha Panlileo ay sign of guilt daw. Hindi ba dahil hinayaan nila ang kanilang lawyer na unang magsalita, saka na sila magsasalita?

Showing pala sa April 4 ang movie nina Rhian Ramos at Glaiza de Castro na I Fell, It’s Fine (IFIF). Hopefully, hindi maapektuhan ang pelikula sa isyung kinasasangkutan ng aktres ngayon. 

Bago mag-April, sana ay may resulta na sa imbestigasyon at maging normal na muli ang takbo ng buhay ng mga na-involve sa isyu.

---

Iwas-bash daw…

MARJORIE, NO POST SA PAGKAMATAY NG MADIR 

TANONG ng mga fans, bakit wala pang post si Marjorie Barretto tungkol sa pagpanaw ng mom niyang si Mommy Inday Barretto? Bakit daw post pa lang ni Claudine Barretto ang kanilang nababasa?

May sumagot na ayaw sigurong ma-bash ni Marjorie kaya hindi muna siya nagpo-post. Pero sa Instagram (IG) Story ni Marjorie, nag-post siya ng video ng mom niya kasama ang mga anak at pamangkin, at tila birthday ni Mommy Inday ‘yun. 

Ang isang video ay nagsasayaw ang mom at dad ni Marjorie kasama pa rin ang mga anak nito.

For now, ‘yun muna ang post ni Marjorie at hintayin na lang natin ang mga susunod niyang post. Ang wish ng marami, maging daan sana ang pagpanaw ng Barretto matriarch para maayos ang gusot nina Marjorie, Claudine at Gretchen Barretto. Matutuwa at sasaya ang mga parents nila na pareho nang pumanaw.

Mensahe ng isang netizen, “Condolences. God knows your heart & everything. You are a good daughter no matter what. Grieve in silence, intelligent and wise people will understand it.”

Sa FB post ni Claudine, binanggit niya ang pangalan ni Marjorie at kabilang sa mga kapatid niya na kanyang pinasalamatan at tumulong sa pag-aalaga sa mom nila. Nalaman din na ‘G’ ang tawag ni Claudine kay Gretchen, na kamakailan lang ay nakasalubong ng ilang press people sa isang hotel.

---

ANG good news ni Lovi Poe sa kanyang Instagram (IG) ay ikinatuwa ng maraming nakabasa sa kanyang post.

Kuwento ng aktres, “Three years in the making, I finally get to share this special project with you. I had the privilege of filming My Sister’s Bones in the UK alongside an incredible cast, playing Frida – ‘the neighbor’ (I’ll leave it at that… you’ll have to watch) in this suspense thriller based on the best-selling novel by Nuala Ellwood. 

“I still remember jumping from Batang Quiapo (set) straight to My Sister’s Bones and then back again. That kind of chaos and contrast is the kind of work rhythm I truly enjoy. Grateful to director Heidi Greensmith for the trust, and honored to be part of one of the legendary Bill Kenwright’s final produced films. My Sister’s Bones starts streaming on major platforms (Apple, Amazon, Fandango) this Jan. 30.”

Marami ang nag-congratulate kay Lovi Poe sa balitang ito, at masaya sila para sa aktres na kahit focused sa pagiging wife at mom, hindi pa rin iniwan ang showbiz.