Drag queen na si Manila Luzon, naka-showdown si Madonna

ni Angela Fernando - Trainee @News | February 17, 2024

Hindi naitago ni Manila Luzon ang kanyang saya matapos na nakapag-share ng iisang entablado kasama ang iniidolong si Madonna.

Sa isang Instagram post, inilabas ng Filipino-American drag artist ang kanyang kasiyahan sa kanilang naging performance.

“My idol @madonna invited me to join her show in my hometown!” sey ni Manila na may kasamang naiiyak at emojis ng puso.

“Madonna has been my biggest inspiration for my drag and my artistic life!” dagdag ni Manila.

Tsika ni Manila, hinango niya ang kanyang drag name sa pangalan ni Madonna na may parehas na bilang ng syllables.

Nakasama ni Manila si Madonna na mag-perform ng "Vogue," kung saan sila'y naging hurado at nagbigay ng score cards sa mga mananayaw na gumanap ding modelo sa runway.