DonBelle fans, sey n'yo? TIANA KOCHER, TYPE SI DONNY

ni Janiz Navida @Showbiz Special | April 24, 2023

Very talented pala ang apo ni dating Sen. Juan Ponce Enrile sa bunsong anak na si Katrina Ponce-Enrile na si Tiana Kocher.

Humarap last Friday sa entertainment press ang internationally-acclaimed Fil-Am R&B singer-songwriter na si Tiana para sa release ng kanyang single na Slow it Down at du'n nga nalaman ng press na nagmana siya sa kanyang Lola Armida Siguion-Reyna (kapatid ni former Sen. Enrile) na isa ring magaling na singer nu'ng kapanahunan nito.

US-based si Tiana Kocher pero bumabalik-balik din sa 'Pinas dahil nandito nga ang roots niya.

Kung tutuusin, may napatunayan na si Tiana sa US bilang singer dahil may over 6 million streams na siya bilang independent artist at ang kanyang debut single na Just My Type ay pumasok sa Top 40 Indie Chart na sinundan ng Paint the Town and Swing Batter which appeared in the Croc commercial for the motion picture What Men Want.

Nakipag-collaborate na rin si Tiana sa ilang GRAMMY award-winning recording artists tulad nina TLC, Faith Evans, Sage the Gemini, AJ McLean of the Backstreet Boys, Citizen Queen, Bobby V, ASAP Rocky and Latin artist J. Alvarez among others, as well as multiple award-winning songwriters in both mainstream pop and R&B.

Gayunpaman, gusto rin daw niyang gumawa ng pangalan dito sa 'Pinas at makilala bilang singer-actress.

Yes, bukod sa pagiging singer, willing din daw si Tiana na pasukin ang showbiz at makatrabaho ang dating schoolmate sa high school na si Donny Pangilinan.

But ooops, relax lang sa DonBelle fans dahil wala namang balak sirain ni Tiana ang love team nina Donny at Belle Mariano.

Well, sana nga ay mabigyan ng chance si Tiana na mas lumawak pa ang kanyang exposure rito sa 'Pinas dahil may 'K' naman siyang makipagsabayan sa magagaling nating singers.

Setback lang niya ang pagiging inglesera pero for sure, matututo rin naman siyang maging fluent sa Tagalog kung magtatagal ang stay niya rito.