DIREK PAUL, NADIDIIN SA SABLAY SA P250 M "LOVE THE PHILS." CAMPAIGN

ni Julie Bonifacio @Winner | July 4, 2023

Top trending si Presidential Adviser on Creative Communications na si Direk Paul Soriano sa Twitter kahapon, July 3.

May nagdadawit kasi sa pangalan ni Direk Paul sa kontrobersiya ng Department of Tourism (DOT) campaign video na I Love The Philippines. Nabunyag kasi na may footage sa video campaign na kuha sa ibang bansa.

Balita namin worth P250 M ang actual budget allocation daw para sa naturang DOT campaign. At ang DDB Philippines ay isa sa dalawang shortlisted bidders for the said project. Hanggang sa napunta na nga sa DDB ang DOT campaign worth P250 M.

Ang DBB Philippines Inc. ang nasisisi sa isyu dahil sila ang kinuhang creative agency for the said DOT campaign.

Nag-present daw ang DDB ng storyboard sa DOT. Pero nu’ng na-approved na ay biglang na-involved na rin daw si Direk Paul. At ang gusto raw nito ay ang sariling production house niya ang kanyang gagamitin

Nag-away diumano si Direk Paul at ang creative director ng DDB. Dahil sa gulo, may isa pang DDB creative director ang kinuha para mag-takeover.

Pero meron na raw kinunan at in-edit na materyal si Direk Paul at DOT without DDB.

Kaya ‘yung mga scenes at footages daw na sinasabing kuha sa ibang bansa ay ‘di galing sa DDB.

Si Direk Paul ang itinuturong accountable sa paglabas ng footage na kuha sa ibang bansa na nasa DOT campaign.

At sa nilabas na official statement daw ng DOT ay ni hindi raw nabanggit ang pangalan ni Direk Paul.

Ang idiniin daw ng DOT na may kasalanan sa nangyaring kapalpakan ay ang DDB. But wala raw choice ang DDB kundi umayon na lamang sa nilabas na official statement ng DOT.

May mga netizens naman ang nagsasabi na ang problema, nag-apologize na raw ang DDB at inako ang pagkakamali.

“Ang problema DDB already apologized and owned the mistake. Hindi makalaban sa pet ng presidente o sa presidente mismo. Kaso, ano na kayang imahe ang maiiwam sa company? It's a pity kasi they do have a good name until this happened.”

“If DDB still keeps the contract, that means Paul Soriano has a hand in this fiasco. We’ll find that out later than sooner.”

“So, just heard from industry friends: Paul Soriano and his handpicked production went behind the agency's back… DDB is the fall guy.”

“Paul Soriano is one shady character.”

Hindi naman siguro. Let’s wait baka may iba pang version ng mga pangyayari ang lumabas at better ‘wag munang manghusga.

Di ba, Awra? Hehehehe!