DIANNE: LOVE NA LOVE NG PAMILYA NI RAYVER SI JULIE ANNE

ni Julie Bonifacio @Winner | November 15, 2023

Close to perfection ang ibinigay na description ni Dianne Medina sa pagsasama nila ng mister niyang si Rodjun Cruz.

Four years nang kasal sina Dianne at Rodjun, pero 12 years muna silang naging magkasintahan.

“Uh, so far, so good. We’ve been blessed. We’ve been together for 16 years now. And since God is the foundation of our relationship, masasabi ko talaga na close to perfection,” pahayag ni Dianne nu’ng makausap namin sa contract signing ng mga incorporators ng Asia’s Lashes established and founded by Leah D. Urbani in 2013.

Aminado si Dianne na walang perfect na relasyon.

“Pero hindi kasi kami nag-aaway. Very, very little fights lang. Hindi kami nag-adjust nu’ng after the wedding. Nu’ng nag-isang bahay kami, wala namang major adjustments. Kasi, matagal na rin naman talaga kami together, and same values, same beliefs.”

Dagdag pa niya, “Si Rodjun din kasi is a very religious person. He’s very family-oriented, very responsible father, very hardworking husband also.”

Ibinulgar din ni Dianne ang formula sa magandang takbo ng relasyon nila ni Rodjun.

“Sa tingin ko, you just have to respect each other. Know your limits, your boundaries.

Importante sa amin ni Rodjun talaga that you put Christ in the center of the relationship, not just individually, but as partners,” lahad ni Dianne.

Happy daw sila sa only child nila na si Joaquin na three years old na ngayon. At dahil isa pa lang ang anak nila, ang prayer ni Dianne ay magkaroon ulit sila ni Rodjun ng baby.

“I’m praying for baby number two. Until now, wala pa po. Si Joaquin po kasi, ang bilis dumating sa amin. Ibinigay siya agad sa amin ni Lord.

“Ngayon, I don’t know if because of my weight gain or because of the stress sa work. So, unti-unti, I lost so much weight already.

“I actually lost mga 21 lbs. na po since we’re trying our Baby No. 2. Pero wala pa po. But hopefully, in God’s perfect time and purpose, ibibigay Niya ‘yung Baby No. 2,” dasal pa niya.

Two months na raw wino-workout nina Dianne at Rodjun na magka-baby ulit.

Under CS operation daw ang pagsilang niya kay Joaquin at puwede lang siyang magka-baby ulit after three years.

Wish ni Dianne, “Sana, girl. Pero kahit boy, okay din sa amin. It’s always a blessing ang baby kahit ano pa ang gender niya.”

Samantala, natanong namin si Dianne tungkol sa kanyang future sister-in-law na si Julie Anne San Jose.

“I love Julie,” ngiti niya. “Sobrang love ko si Julie Anne. Super swak ang personality nila ni Rayver, kaya I’m very, very happy for them. Super happy din ang family Cruz kay Julie Anne.”

Mabilis na “oo” ang sagot sa amin ni Dianne kung nakikita ba niya na mauuwi sa simbahan ang relasyon ni Julie Anne at ng bayaw niyang si Rayver Cruz.

“Wala pa silang plans magpakasal, pero ako, sa sarili ko, kung titingnan ko, ha, confidently I can say yes. Magkakatuluyan sila. Pero hindi ko alam kung kailan since may separate work pa sila, ganoon.”

Botong-boto raw ang pamilya ni Rodjun kay Julie Anne.

“Love na love ng family ni Rodjun si Julie Anne, as in. ‘Pag pumupunta ‘yan sa house, ang bonding ng Cruz Family, gumagawa sila ng covers. Kumakanta sila.

“Saka napansin ninyo? Na-bring out ni Julie Anne talaga 'yung mga hidden talents pa ni Rayver.

“Naggigitara, tumutugtog ng piano si Rayver ngayon.”

Maraming beses na raw nakatrabaho ni Dianne si Julie Anne. Madalas ay magkapatid ang roles nila sa mga serye sa GMA-7.

Nagkasama rin daw sila sa mga events sa labas. Kaya hindi nahirapan si Dianne na kumonek kay Julie Anne. Kasi, ever since, mabait si Julie.

“And by the way, ka-church ko siya, bata pa lang siya," sabi pa ni Dianne.

Magka-church daw sila sa may Mindanao Avenue sa Kyusi.

“Lector ako doon, choir si Julie Anne. Talagang nagse-serve si Julie Anne sa church."

Sa tingin ni Dianne, what’s keeping Rayver and Julie Anne para magpakasal na?

“Mga bata pa kasi, eh. Ang mga tao kasi ngayon, masyadong career-oriented. Hindi agad nag-aasawa,” diin niya.

With regards naman sa career ni Dianne, nagpahinga raw muna siya sa pagho-host sa morning show ng PTV4, ang Rise and Shine Philippines.

Kakapirma lang din ni Dianne sa Tiktok Shop & Shoppee Philippines.

“We do like live selling. And then, I run other businesses also like Asia’s Lashes which is I’m also one of the incorporators since 2016 together with Ate Leah, but in a different company,” paliwanag pa ni Dianne.

Bukod kay Dianne, incorporators din ang co-celebrities niya na sina Sugar Mercado at Jenny Miller.