'Di umatras pero... JOHN LLOYD, MAY KONDISYON BAGO GAWIN ANG LIFE STORY NI QUIBOLOY

ni Janiz Navida - @Showbiz Special | May 15, 2022

Hindi naman pala totoong tinanggihan na ni John Lloyd Cruz na gumanap bilang si Pastor Apollo Quiboloy sa life story nito na balak isapelikula ng producer ng Borracho Films na si Atty. Ferdie Topacio.

Nakausap namin si Atty. Ferdie sa ipinatawag na intimate birthday get-together lunch ni Tita Aster Amoyo last Thursday at kinumpirma sa amin ng famous lawyer-turned movie producer na kinausap na nga niya si Lloydie para i-offer dito ang naturang pelikula.

Hindi naman daw tumanggi si Lloydie pero ang request lang nito ay si Direk Erik Matti ang maging direktor ng pelikula since tried and tested na ito ni John Lloyd sa Honor Thy Father movie.

Next year pa naman ang target showing ng naturang biopic dahil sa ngayon, priority ni Atty. Ferdie na matapos na ang two years in the making nang first movie niyang Mamasapano na bida sina Edu Manzano, JC de Vera, Aljur Abrenica, Gerald Santos, Myrtle Sarrosa, at marami pang iba.

So, kung magbabalik-pelikula pala si John Lloyd, hindi na sa rom-com movie natin siya mapapanood kundi sa isang serious biopic na.