'Di talaga naging magdyowa… ALDEN, UMAMING 'DI KAYANG DIKTAHAN NG KAHIT SINO PARA MAHALIN SI MAINE

ni Nitz Miralles - @Bida | November 27, 2022

Wala pa kaming nababasang reaction ng ilang diehard AlDub fans sa pahayag ni Alden Richards sa nabuwag na love team nila ni Maine Mendoza. May sinabi kasi si Alden sa mediacon nila ni Bea Alonzo nang bumisita sila sa Cebu City para sa Kapuso Fans Day para i-promote ang Start-Up PH.

Sa nasabing mediacon, inako ni Alden kung bakit hindi sila nagkaroon ng romantic relationship ni Maine na ini-expect ng AlDub fans.

Siguradong may magre-react sa naging pahayag ni Alden na muling magpapatunay na wala silang relasyon ni Maine.

“We’re grateful but I make a stand to not let people control my life. Ito ang prinsipyo ko sa buhay. Hindi ako property ng kahit sino. I have my own choices. I have my own decisions so I stick to that,” panimulang pahayag ni Alden.

“Minsan very unfair sa industry natin because of the team-up that has happened. It puts a pressure on both of the individuals. Siyempre, hindi naman natin mapi-please ang mga taong gusto nating i-please,” patuloy ni Alden.

Ang ipinagpapasalamat ni Alden, kahit wala na ang love team nila ni Maine, good friends pa rin daw sila. Nabanggit nga ni Alden na may pini-pitch na project sa kanila ni Maine.

Sa nabasa naming reaction, ayaw na ng mga netizens at ilang fans na rin ng AlDub na gumawa pa sila ng project na magkasama. Kapag muling nagka-project, mabubuhay na naman daw ang paniwala ng AlDub diehard fans na mag-asawa sila at may tatlong anak.

Samantala, sa November 30 sa Davao City naman pupunta sina Alden at Bea.

Makakasama nila sa Kapuso Fans Day sa Ayala Malls Abreeza sina Jeric Gonzales at Yasmien Kurdi.

And speaking of Alden, siya ang Entertainer of the Year ng Esquire Philippines na ang sabi, “The consummate entertainer, Richards has made it his life mission to become a multi-hyphenate. At this point in his career, he’s ready to start focusing on influencing the next generation of artists.”