'Di raw suwerte sa babae... NETIZEN KAY JAKE: LALAKI NA LANG JOWAIN MO!

ni Beth Gelena - @Bulgary Files | June 13, 2022

Pinalagan ni Jake Cuenca ang basher na nagkomento sa kanyang socmed account na lalaki naman daw ang kanyang i-date o jowain dahil hindi siya suwerte sa mga babae.

Nagkomento ang basher sa ipinost ni Jake na larawan nila ni Iza Calzado kung saan na-appreciate niya ang aktres.

Ang inilagay niyang mensahe sa kanilang picture, "We call each other 'loveteam'.

"I just want to say thank you to -missizacalzado for making this past month so smooth and satisfying. It wasn't easy jumping from set to set and I wasn't coming at my best into this but you certainly brought out the best in me and made the whole process so fun and enjoyable for the both of us. Thank you for being the amazing human being you are to everyone on the set and thank you for being the best leading lady anyone could ever ask for. #klove"

Sabi ng basher, "Sa susunod na love life mo @juancarloscuenca, lalaki naman jowain mo, malas ka sa babae. Sayang, pang-asawa ka na sana, haha."

Hindi nagustuhan ng aktor ang komento kaya binuweltahan niya ito, "Sa susunod mong troll account, mag-post ka naman ng photos para puwede ka naming pagtawanan."

Sumagot pa rin ang basher, "Boss ‘wag galit agad, hindi naman ako namba-bash, napansin ko lang kasi, puro break ka lagi, baka malay mo, sa lalaki ka talaga, lods."

Aba’y loko!