'Di raw makatiis... BOY, TINAWAGAN SI MIKE NANG LUMIPAT SA GMA-7

ni Vinia Vivar - @Frankly Speaking | December 18, 2022

After 28 years, King of Talk Boy Abunda is now officially a Kapuso (again) as he signed an exclusive contract followed by a grand homecoming and welcome media conference last Thursday.

Sa kanyang pagbabalik, ikinuwento ni Kuya Boy na tinawagan niya ang veteran Kapuso broadcast journalist na si Mike Enriquez matapos siyang pumirma ng kontrata.

“Just before we started this press conference, hindi ko talaga matiis, I have to call Mike Enriquez,” kuwento niya sa mediacon.

“He took my call. I will not, you know… it was a very private conversation. But I’m really hoping na…he’s a very dear friend of mine.

“Hindi ko man nakikita si Mike nang kasingdalas ng gusto ko dahil… hindi lamang sa magkahiwalay kami ng tahanan noon, pero he has been a friend, a constant friend. Minsan, may pinag-uusapan kami, minsan, wala,” patuloy ng TV host.

“Minsan, just like today, sinabi ko lang, ‘Mike, nandito na ako, nagbabalik.’ Sabi niya sa akin, ‘Saan? Saan ka nagbabalik?’

“Obviously, he was not watching television. So, sabi ko, ‘Nagbabalik ako sa Channel 7.’ Sabi ko, ‘And I could not imagine not letting you know.’

"I am considering my relationship with Mike, at ang sabi ng aking kaibigan, ‘I would not have forgiven you had you not called me,’” pagbabahagi pa ng TV host.

Wala pang detalye kung ano at ilan ang shows ni Kuya Boy na gagawin sa GMA-7 pero definitely ay mapapanood na siya ngayong January, 2023.