‘Di raw apektado sa mga isyu ng mister… HEART, NAGLABAS NG RESIBO NA SILA PA RIN NI SEN. CHIZ

ni Nitz Miralles @Bida | February 24, 2026

Photo: Heart at Chiz / YT File

Ikinatuwa ng mga fans ni Heart Evangelista ang post nitong may hawak siya na may nakasulat na initial na ‘L.M.E.’ na ang ibig sabihin ay Love Marie Escudero. Patunay daw ito na solid pa rin ang marriage nina Heart at Sen. Chiz Escudero, contrary sa nababalitang naapektuhan ang pagsasama nila dahil sa controversy ni Chiz.

Positive rin ang dating sa mga fans ng caption ni Heart sa post na, “Stitched into the story.” 

Ang dating nito ay may forever ang Chiz-Heart love story.

Good news din ang pagpasok ni Heart sa Top 10 in a male-dominated influencer landscape. Kasama siya sa Top 10 Key Voices ng Lefty para sa January 2026 Paris Menswear Fashion Week. Mas pinatatag nito ang katayuan niya bilang global fashion icon.

Imagine, napasok ni Heart ang isang heavily male-dominated influencer landscape dahil nakapagtala siya ng 5.4 percent engagement rate at nakapag-generate ng $3.34M na Earned Media Value.

Kasama niya sa Top 10 ang mga K-pop idols na sina Mingyu at The8 ng Seventeen, Hyunjin ng Stray Kids, Thai actor at singer na si Nattawat Jirochtikul, at iba pang talents at brand ambassadors sa Asia-Pacific region.

The only female in the list aside from Heart is Mon Laferte, a Chilean-Mexican singer.

Sa Menswear Fashion Week Fall-Winter 2026, dumalo si Heart sa mga high-value shows ng Amiri, Sacai, Patou, Hermes, LGN Louis Gabriel Nouchi at Kenzo.

Para sa mga observers, ang malakas na media impact ni Heart, lalo na ang pagiging the only Filipino representative sa latest Lefty ranking, ay patunay na patuloy siyang nag-e-endorse ng luxury fashion value sa Asia-Pacific region.

---

NAG-SHARE ng mga lessons at learnings si Marian Rivera sa Celebrity Dance Stars at P-Pop Dance Stars na nagko-collab at naglalaban-laban sa pagalingan ng pagsasayaw sa Season 2 ng Stars On The Floor (SOTF).

Aniya, “Lagi ko rin itong isinasalin sa mga anak ko na kung may bagay na gusto nilang kunin, i-ready nila ang sarili nila nang buung-buo. ‘Wag makalimot sa mga taong tumulong sa ‘yo papunta sa taas. Kailangan i-offer lahat sa Taas kasi ‘pag may basbas ‘yan, lahat ng gusto mo, mapupunta sa ‘yo.”

May dagdag pa si Marian na nakikita mong pinakikinggan ng mga celebrities at P-Pop artists. Reminder din daw niya ito sa kanyang younger self.

“Palaging iisipin na kailangang maging blessing ka sa ibang tao dahil ‘pag naging blessing ka, grabe ang flow ng blessings. Ganu’n lagi ang gagawin. ‘Wag makalimot sa Taas para matupad ang mga pangarap mo. Ganu’n lang ang gagawin natin para lahat tayo, happy at ma-achieve ang lahat ng gusto natin,” patuloy ni Marian.

Ayon pa kay Marian, turo ito ng lola niya na isinasalin niya sa kanyang mga anak at ngayon, sa mga contestants ng SOTF. 

Magandang example si Marian sa pagsunod sa turo ng lola niya kaya patuloy siyang ibine-bless.

Pinuri rin ni Marian ang Celebrity Dance Stars at P-Pop Dance Stars.

“Nakikita ko kung gaano sila ka-dedicated, nakikita ko ang friendship na nabuo. Lahat sila ay nakaka-proud,” sey niya.

Samantala, tuloy ang dating ng mga projects at hindi natatapos ang pagtanggap niya ng awards. 

Sa ginanap na Philippine Arts, Films, and Television Awards (PAFTA), nasungkit ni Marian ang Modern Grand Slam Best Actress Award para sa movie na Balota.

Hosted by Alden Richards, napapanood ang SOTF every Sunday, 7:15 PM on GMA-7 after Bubble Gang (BG).

---

Panoorin lang…

MOVIE TICKET NINA CHARO, BOOTS AT BARBIE, IBINABA NA ANG PRESYO

IBINABA na rin ang presyo ng ticket para sa movie ng Solar Studios at Centerstage Productions na Until She Remembers (USR). Ito at ang sipag mag-promote ng cast at ganda ng pelikula ang ilan sa mga rason para panoorin at suportahan ang USR na magbubukas sa mga sinehan bukas, February 25.

Nakakaaliw si Charo Santos-Concio, nasa dancerist era na talaga siya at enjoy sa pagti-TikTok (TT). Pati ang brother nito, nakumbinse niyang sumayaw.

Ang ganda rin ng post ni Charo patungkol sa movie nila nina Barbie Forteza at Boots Anson-Rodrigo.

Aniya, “This story is for those who love unconditionally, and for those who love quietly, even when love cannot fully bloom.

“My deepest gratitude to @titabootsansonroa, @barbaraforteza, our director @brillante_mendoza, @solarpixturesph, and to all our co-stars who poured their hearts into this film. Thank you to everyone who embraced our story with such warmth.

“May I gently remind us that love, in all its forms, is always worth choosing.”

Well, mukhang magiging uso na ang pagpapababa ng presyo ng movie tickets.