'Di pa rin mapatawad sa panggo-ghosting… GERALD, MALAKING BANGUNGOT KAY BEA

ni Erlinda Rapadas - @Teka Nga | July 2, 2022

Hindi na mabubura pa sa isipan ng mga fans at supporters ni Bea Alonzo ang ginawang panloloko ni Gerald Anderson sa kanilang idolo. Kahit ilang taon pa ang lumipas at kahit pareho nang may sariling pamilya sina Bea at Gerald, ang ginawa niyang ghosting sa aktres ay hindi malilimutan sa showbiz.

Ito ang matatandaan ng publiko dahil marami ang dismayado sa kanyang panloloko kay Bea. Tataglayin ni Gerald ang tatak ng pagiging two-timer.

Maraming sikat at guwapong aktor sa showbiz na may playboy image. And yet, hindi sila kinastigo at hinusgahan ng publiko. Marunong kasi silang magdala ng relasyon. Hindi sila natatakang mga manloloko.

Dismayado ang ilang fans ni Bea kaya nabawasan ang paghanga nila kay Gerald. At hindi masisisi si Bea kung hanggang ngayon ay suko hanggang langit ang galit niya kay Gerald dahil hindi naman ito nag-e-effort na mag-sorry man lang sa kanyang ex-GF sa ginawang panggo-ghosting.