'Di pa man kasal… ANAK NI VG MARC, MOMMY NA ANG TAWAG KAY KRIS

ni Nitz Miralles @Bida | May 20, 2023

Kahit hindi si Kris Aquino ang gumawa ng endorsement o campaign video ng anak ni Marc Leviste na si C2 Leviste, gaya ng request ng bata, nag-work pa rin ang endorsement video na ginawa ni Jazz Nicolas, ang vocalist at drummer ng bandang Itchyworms.

Kaya namin nasabing nag-work ang endorsement video ni Jazz dahil sa mga komento ng mga nanay ng mga batang nag-aaral sa La Salle na sinasabing tutulong sila upang ikampanya si C2 na tumatakbo bilang Grade 11 batch representative ng La Salle Greenhills.

Sa post ni Kris, nabanggit ang biruan ng mag-ama, kung saan sinabi ni C2 na "If Mommy Kris could make me a campaign video."

Pero dahil pale, dizzy and weak pa ang Queen of All Media dahil sa low blood pressure, pinakiusapan si Jazz na siya na lang ang gumawa ng nasabing campaign video.

Kaya nagpasalamat si Kris kay Jazz na kahit galing ito sa delayed flight from a provincial gig ay ginawan pa rin nito ng campaign video si C2.

Si Bimb ang nag-forward ng video kay Jazz at kaya kasali ang vocalist at drummer sa eksena dahil kasama sa plataporma ni C2 na kapag nanalo siya, magpe-perform ang Itchyworms sa prom night nila.

May mga kinilig sa thought na magkakilala na sina Bimb at C2 kahit sa online pa lang.

Kinilig din sila sa pahabol na post ni Kris na "Thanks, Jazz. My 'Thank You' will arrive soon, care of the stage father of candidate Conrado Antonio Leviste II, S."

Kinilig din ang mga netizens na binanggit ni Jazz sa kanyang campaign video para kay C2 na "Could become Ms. Aquino's stepson."

At dahil diyan, tiyak na marami ang mag-aabang sa pangyayaring 'yun!