'Di na sa pelikula, pang-TV na lang…

DIREK JERROLD, NAGSALITA NA KUNG BAKIT ATRAS MAGDIREK NG DARNA NI JANE

ni Reggee Bonoan - @Sheet Matters | January 15, 2021

Follow-up ito sa naisulat namin dito sa BULGAR noong Enero 9 na tinanggihan ni Direk Jerrold Tarog ang alok sa kanya ng ABS-CBN na siya ang magdirek ng Darna series ni Jane de Leon base sa tsika ng aming source.

Kinumpirma ito ng nasabing direktor dahil abala siya sa ibang projects.

Tinanong kasi siya ni @ColeTheLegion, “Hey @JerroldTarog! Are you still attached to the Darna series? Since we didn't get any information if the same creative team is still attached.”

Ang sagot ng direktor, “Unfortunately, I'm not going to be involved in the TV series due to scheduling conflicts. But some doors remain open regarding my future involvement in the Ravelo universe. We will see. For now, I wish ABS-CBN & @Imjanedeleon all the best. Let's continue to support them.”

May nagtanong din kung matutuloy pa ang Darna movie ni Jane, “Sana. That's up to the studio.”

Si Direk Jerrold ang direktor ng Darna movie pero nahinto ito noong Marso, 2020 dahil sa pandemya.

Naisip din kasi ng ABS-CBN na si Direk Jerrold na rin ang magdirek ng Darna series para alam na nito ang gagawin at puwedeng magamit ang mga nakunang eksena noon sa pelikula sa series para hindi masayang, kaso tumanggi nga siya.

Sabi nga ng aming source ay “Actually, matagal pa ‘yang series ni Jane kasi malabong mag-shoot talaga now, alam mo naman. If ever ituloy ‘yan, siguro, mga 2 years pa.”

Pero nakasama naman ang Darna series sa teaser para sa mga bagong programang ipapalabas ng ABS-CBN ngayong 2021 na mapapanood sa free TV sa A2Z.