MAGGIE, SI TIM ANG KASAMA SA HOTEL SA ITALY NU'NG B-DAY

ni Reggee Bonoan @Sheet Matters | March 18, 2023

Palaisipan sa mga netizens ang Instagram post ni Timothy ‘Tim’ Connor, British and Thai entrepreneur, investor at business partner ni Maggie Wilson, na legal wife naman ng founder at CEO ng DMCI na si Victor Consunji, Jr..

Si Tim pala ang kasama ni Maggie na nag-celebrate ng kanyang kaarawan nitong Marso 15 sa Italy. At base na rin sa kanyang IG Stories post, magkasama sila sa hotel suite at nagtatawanan.

Nag-post si Tim ng larawang kinunan niya sa salamin na nag-reflect din kay Maggie.

Ang caption ng binata, “It was a tough year for this one, never did we think just 18 months ago would our lives cross so closely that we would be where we are today by circumstances neither of us planned for.

“Despite the challenges, I am grateful for where life has taken both of us.

“Happy Birthday, @wilsonmaggie. As I tell you every day through some quite testing moments 'We got this.'"

Matatandaang hindi makabalik ng Pilipinas si Maggie dahil may nakaabang sa kanyang warrant of arrest para sa kasong adultery na isinampa ng asawang si Victor at si Tim ang itinuturong third party.

Sa kasalukuyan, parehong tahimik sina Victor at Maggie pagkatapos nilang magparinigan tungkol sa pre-nuptial agreement gamit ang social media.

Anyway, nakatanggap ng magandang regalo si Maggie sa kanyang 34th birthday dahil ang cyber libel na isinampa laban sa kanya ni Patricia Kelly Parreno Librojo, na kaibigan ng rumored girlfriend ni Victor na si Rachel Carrasco, ay ibinasura ng korte.

Ibinalita ito ni Maggie sa kanyang IG Story.

Ayon sa ex-beauty queen-turned entrepreneur, “Today I received an order from the court that Rachel Carrasco’s friend and business partner Patricia Kelly Parreno Librojo, who I have never met or spoken to, filed a baseless criminal cyber libel case against me in mid-2022 has been DISMISSED.

“It’s disgusting that she like others used our already overstretched Philippines court system to shamelessly harass and intimidate me and my family.

“I guess these types of people are cut from the same cloth.”

Going back to Tim, marami namang netizens ang pumuri sa kanya bilang true gentleman kay Maggie lalo’t inaalalayan niya ito sa mga pagsubok na dinaraanan ngayon.

Ayon sa netizen na si @donnabell5049, “Thank you for sticking up with Maggie.”

Sabi naman ni @fsphsouth, “A real MAN will stand by her woman through thick and thin.

The other BOY (who could not even be faithful during his marriage) could never...”

Sang-ayon din dito si @rachel.cenalpagaduan, “You're a real man, Sir Tim, and thank you for helping at protecting Ms. Maggie. We love you and may the God bless you more. Napakaguwapo mo po talaga.”

Ayon kay @jmpersethecat123, “When everyone else turn their backs on her, the universe blessed her an armour through you.”

Bukas naman ang BULGAR sa panig ni Ms. Patricia Kelly Parreno Librojo tungkol sa kasong isinampa niya laban kay Maggie na ibinasura ng korte.