‘Di lang si ex-P-Duterte ang mang-iisnab sa hearing ng Kongreso, pati si Sen. Dela Rosa

ni Pablo Hernandez @Prangkahan | August 12, 2024

HINDI MAN AMININ, MALAMANG NATOTORETE NA SI PBBM SA MGA ATAKE SA KANYA NI VP SARA -- May panibagong atake si Vice Pres. Sara Duterte-Carpio at ito ay ang kawalan ng flood control master plan ng Marcos administration.

Sunud-sunod na ang atake ni VP Sara sa administrasyon ni Pres. Bongbong Marcos (PBBM) at hindi man aminin ay tiyak natotorete na si PBBM sa mga banat ng bise presidente, period!

XXX

PRO-MARCOS CONGRESSMEN, KABADO SA MGA ATAKE NI VP SARA SA MARCOS ADMIN -- Ayon sa ilang kongresista ay makakasira lang daw sa imahe ng Pilipinas ang mga atake ni VP Sara kay PBBM.

Patunay ‘yan na kabado na, hindi lang ang Malacanang, kundi maging ang mga pro-Marcos congressman sa mga pag-atake ni VP Sara sa Marcos admin, boom!

XXX

MAGHAHALO ANG BALAT SA TINALUPAN KAPAG IN-IMPEACH SI VP SARA --Sinabi ni former presidential spokesman Harry Roque na may nakuha raw siyang impormasyon na may plano umano ang mga kaalyadong senador at kongresista ni PBBM para i-impeach ang bise presidente.

Naku, eh ‘yan ang huwag gagawin ng Marcos admin, kasi kapag ginawa nila iyan sa rami ng Duterte Diehard Supporters(DDS) ay baka magkagulo o “maghalo ang balat sa tinalupan,” period!

XXX

HINDI LANG SI EX-P-DUTERTE ANG MANG-IISNAB SA HEARING NG KONGRESO, PATI SI SEN. DELA ROSA -- Inanunsyo ni Sen. Ronald dela Rosa na hindi siya dadalo sa patawag ng Kongreso kaugnay sa imbestigasyon sa illegal Philippine Offshore Gaming Operators (POGO), droga at extrajudicial killings (EJK) sa panahon ng Duterte administration.

Kung ganu’n, hindi lang pala si ex-P-Duterte ang mang-iisnab sa Kongreso kundi pati si Sen. Dela Rosa, boom!