'Di lang basta ninong sa kasal… DIREK PAUL, PAMANGKIN NG MISIS NI BBM

ni Nitz Miralles - @Bida |February 12, 2022

May mas malala pa pala sa basher ni Toni Gonzaga na nag-wish na mag-cheat sa kanya ang asawang si Paul Soriano para ‘pag napanood daw nila sa TV na ini-interview si Toni at umiiyak, masabi nilang “Dasurb.”

Ibig sabihin, deserve ni Toni na lokohin ng asawa. ‘Kaloka ‘di ba?

Heto na nga ang mas malala at ang dasal ng basher, “Lord, sana po mag-crash 'yung sinasakyan na eroplano ni Toni Gonzaga! Salamat po. Amen.”

Pati mga kapwa supporters ni VP Leni Robredo, nagalit sa basher na lalaki, kinuyog siya, lalo na ng mga fans ni Toni. Hindi kinaya ni Kuya ang buwelta ng mga netizens, nag-deactivate ng kanyang Facebook account.

Grabe naman kasi ang dasal nito, hindi na normal at tama ang sabi ng fan ni Toni na babalik sa kanya ang evil wish niya.

Pati nga Red Ribbon na ini-endorse ni Toni, anak na si Seve at ni Direk Paul, damay sa galit ng netizens. Pero salbahe naman ang iba, lalo raw silang bibili ng Red Ribbon.

Anyway, nabasa namin na hindi lang ninong sa kasal nina Toni at Direk Paul si Bongbong Marcos. Relative pala ni Direk Paul ang asawa ni Bongbong na si Liza Araneta-Marcos.

Ayon sa post ni Mike Acebedo Lopez, “Paul Del Mar Soriano is the blood nephew of BBM’s wife, Liza Cacho Araneta-Marcos. Paul’s dad is Cacho, first cousins with Liza; Paul’s paternal grandma and Liza’s mom are sisters (this makes Paul second cousins with BBM’s kids Sandro, Simon, and Vincent)! Furthermore, BBM and his wife stood as principal sponsors during Paul and Toni’s wedding.”