'Di lang ang girl… SUNSHINE, TANGGAP ANG MGA ANAK NI CESAR SA BAGONG DYOWA

ni Nitz Miralles - @Bida | December 4, 2022

Muling nagkita si Sunshine Cruz at ang partner ni Cesar Montano ngayon na si Kath Angeles sa 17th birthday ng anak ng aktres na si Chesca.

Positive vibe ang hatid ng photo nilang magkakasama at pati ang caption ni Sunshine sa photo na:

“Happy to see you last night @maarriiaaa05 & Kristin. Chesca, as well as Sam and Angelina are truly blessed to gain a Tita Kath. Thank you for loving the three girls. They are grateful to you and they love you, their dad and their siblings.”

Wala si Cesar sa birthday party ni Chesca, nasa shooting yata ng Martyr or Murderer, pero ang brother ni Chesca na si Diego Loyzaga ay nasa party.

Wala rin sa party si Macky Mathay na hindi rin namin nabasa ang name sa mga nag-like sa post ni Chesca sa birthday party niya.

Sa mga naunang posts ni Chesca, nagla-like pa rin si Macky at ang last post niya na ni-like ni Macky ay last November 25.

Pinuri si Sunshine ng mga netizens sa pagwe-welcome kay Kath at sa mga anak nito at pati sa iba pang anak ni Cesar. Mabait daw siya at nakikita ‘yun ng mga anak at ginagaya lang siya, kaya tanggap din nila si Kath at mga kapatid nila.