‘Di feel iwan uli ang showbiz… JESSY, MAGWO-WORK PA RIN KAHIT BUNTIS

ni Janiz Navida @Showbiz Special | July 14, 2025

Photo File: Jessy Mendiola - IG

Ine-enjoy ni Jessy Mendiola-Manzano ang pagbabalik-showbiz bilang isa sa cast ng Kapamilya seryeng Sins of The Father na pinagbibidahan ni Gerald Anderson.

Pero “One at a time” ang sagot ni Jessy nang matanong kung gagawa na rin ba uli siya ng movie.

Bagama't happy kasi siya na nabigyan uli ng opportunity na umarte sa TV, malinaw sa kanya na ang mag-ama niyang sina Luis Manzano at Isabella Rose a.k.a. Peanut pa rin ang top priority niya at ayaw niyang mawalan ng time sa mga ito kaya hinay-hinay lang muna siya.

Though inamin din ni Jessy na pangarap niyang makagawa ng sitcom kasama sina Luis, Peanut at ang kanyang napakabait na biyenang si Star for All Seasons Vilma Santos-Recto. Sana raw ay magkaroon ng offer at time si Gov. Vi —- na nagbabalik sa paglilingkod sa Batangas —- para matuloy ang dream sitcom niya.

Inamin din ni Jessy na kung dati ay naipagluluto pa niya si Luis ng mga paborito nitong pagkain, dahil sa busy schedule ngayon ng seksing aktres ay wala na siyang time.

Naiintindihan naman daw ni Luis ‘yun at hindi demanding ang kanyang mister.

Ang gustung-gusto lang talagang mangyari ni Luis ngayon ay masundan na si Peanut. 

Kaya natanong namin si Jessy kung handa ba siyang iwan uli ang showbiz sakaling mabuntis siya sa second child nila ni Luis.

Nakangiting sagot niya, kahit naman daw preggy na siya ay kaya pa rin niyang mag-taping, ‘wag lang action scenes. 

Ohhh, mukhang hindi maselan magbuntis si Jessy, ha?

By the way nga pala, soon ay mapapanood na raw ang first TV commercial ni Peanut kung saan kasama ang kanyang mommy at daddy, kaya for sure, maging si Ate Vi ay super excited nang mapanood ang kanyang super cute at charming na apo na kamukhang-kamukha niya!

---

INI-ANNOUNCE na last July 5 ng pamunuan ng Federation of Filipino Chinese Chambers of Commerce and Industry Inc.’s (FFCCCII) ang tatlong napili para sa kanilang TikTok video competition in celebration para sa 50 yrs. friendship ng Pilipinas at China na naglalayong palakasin ang economic cooperation ng dalawang bansa. 

Taga-Tagum City na si Mark Capareda ang nag-uwi ng P100 thou prize para sa kanyang TikTok video na nagpapakita kung paano niya ipininta ang isang art piece na nagbibigay-tribute sa magandang relasyon ng mga Pilipino at Chinese.

Fifty thousand pesos naman ang naiuwi ng 2nd placer na si Emmanuel Labrador from Navotas na nag-compose ng song na sumentro sa 5 dekada ng diplomacy, trade and camaraderie ng dalawang bansa.

Habang ang 3rd placer na si Richard Samulde from South Cotabato ang nag-uwi ng P30 thousand para sa kanyang heartwarming narrative ng cross-cultural friendship na talagang naka-touch sa mga manonood.

Bukod sa tatlo, may mga nag-uwi rin ng special awards.

Ang nasabing Tiktok video competition ang unang project ng bagong upong FFCCCII president na si Mr. Victor Lim na siyempre pa ay present sa event kasama ang iba pang opisyal at miyembro ng organisasyon.

“We have challenges too but they must not define the relations between our nation,” sabi ni Mr. Lim. 

“Let us look beyond our differences, and celebrate what binds us: a shared future for all,” dagdag pa niya.

At dahil sa tagumpay nito, ini-announce na rin ng FFCCCII ang bagong Tiktok video competition na September 30, 2025 ang deadline. Ang theme ay “Local Chinese community's contributions to Philippine economic progress and philanthropy,” na ang ibang details ay ia-announce sa FFCCCII Facebook, IG and Tiktok accounts.