'Di ako paaawat sa NBA dream ko — Kai

ni MC - @Sports | June 27, 2022

Pinasalamatan ni Kai Sotto ang mga fan na sumuporta sa kanya sa buong mundo kahit pa bigo itong makuha ng kahit anong NBA team sa ginanap na NBA draft nitong nakaraang araw.

Ayon sa 20-anyos na si Sotto, tuloy ang kanyang ambisyon at journey na makamit ang minimithing pangarap na maging kauna-unahang purong Pinoy sa NBA.

Hindi pa umano rito natatapos ang pangarap ni Sotto dahil napakabata pa nito at marami pang panahon na mag-improve ang laro, ayon sa mga kritiko.

Marami umanong halimbawa sa mga nakaraan na nagka-interes pa rin ang ilang NBA team sa ilang mga undrafted player.

Maganda halimbawa umano rito ay sina NBA stars na sina Christian Wood, Fred VanVleet, at Seth Curry.

Samantala, kinontra naman ng agent ni Sotto ang plano ng Pinoy na paglalaro sa NBA summer league. “Thank you to everyone for your support and kind words tonight, I won’t stop pursuing the dream of being in the NBA…..this is not the end. I also want to clarify that no decision has been made about me not playing in the summer league. My agent misspoke,” ani Sotto sa kanyang social media account na Twitter.