Deserve raw dahil sa pagod at puyat… BISYO NI ALDEN, NABULGAR

ni Erlinda Rapadas - @Teka Nga | October 14, 2022

Mahilig palang mangolekta ng relo si Alden Richards. High school pa lang daw siya ay may gustung-gusto na siyang relo na pinagsikapan niyang pag-ipunan upang mabili ito.

At ngayong kumikita na siya sa TV, movies at endorsements, nagagawa na niyang bumili ng de-kalidad at high-end brand ng wrist watch.

Sa isang interview, ipinakita ni Alden ang kanyang collection ng relo na puro mamahalin.

May apat siyang Rolex watch na milyones ang halaga ng bawat isa.

Paliwanag ni Alden, bale investment na rin niya ang mga mamahaling relo at reward na rin sa kanyang sarili dahil sa pagod at puyat niya sa kanyang taping at shooting para kumita.

Nabilhan na rin niya ng malaking bahay at mga sasakyan ang kanyang pamilya. May negosyo na rin siyang naipundar.

Nagse-share naman ng blessings si Alden at may mga charity projects.