DEREK AT ELLEN, MAGBABABU NA SA SHOWBIZ

ni Beth Gelena - @Bulgary Files | January 07, 2022

May plano na yatang iwanan ng celebrity couple na sina Derek Ramsay at Ellen Adarna ang showbiz.

May tsikang magko-concentrate na lang umano ang dalawa sa bagong bubuksang business.

Matatandaang kamakailan lang ay nag-post si Derek ng isang logo na Tigercon. Wala pang detalye kung ano ang itatayong business nito, pero sa caption na isinulat ng aktor, sinabi niyang, “Our new venture as husband and wife! Thank you Lord!!!”

Magmula nang magkaroon ng pandemya ay hindi na tumanggap ng project ang Kapuso actor sa GMA-7.

Pero sabi naman ng mga netizens, sadya raw sigurong hindi ino-offer-an ng Kapuso Network si Derek dahil naghiwalay sila ni Andrea Torres at ang ipinalit nga ni Derek ay ang misis na niya ngayon na si Ellen na ex ni John Lloyd Cruz.

Sa ngayon, tila wala pang planong bumalik sa pag-arte ang mag-asawa.

Well, kung desisyon nila na magbukas ng sariling negosyo, much better dahil malalayo sila sa mga Marites at Mosang sa showbiz.

At kitang-kita rin naman na sobrang nag-e-enjoy sina Mr. and Mrs. Ramsay sa kanilang pribadong buhay.