Delta variant pinakamapanganib kuno, hindi naman totoo!

ni Ka Ambo - @Bistado | November 28, 2021

MAY bagong variant ang COVID-19.

Ito ay para maibenta ang bilyun-bilyong doses ng COVID-19 vaccine na minamanupaktura ng mga multi-national drug companies.

Tsk-tsk-tsk!

◘◘◘

OMICRON variant ang tawag sa bagong COVID-19.

Higit na mapanganib kuno ito kaysa sa Delta!

◘◘◘

SA totoo lang, ipinantakot ng WHO ang Delta variant na siyang pinakamabagsik sa lahat ng variant.

Pero, napatunayang hindi totoo, bagkus ay ito ang nagpasimula ng pagkatunaw ng COVID-19!

◘◘◘

NGAYON, nakikisali ang gobyerno sa pananakot sa taumbayan.

Pero, wala nang kredibilidad ang WHO at gobyerno!

◘◘◘

PAGOD na populasyon ng mundo sa dispalinghadong impormasyon mula sa WHO.

Mas dapat ilibre ang anti-pneumonia at anti-flu vaccines upang mabawasan ang bilang ng mga nagkakasakit at namamatay!

◘◘◘

INILILIHIM ng DOH na pinakaepektibong pangontra laban sa sintomas ng COVID-19 ay ang anti-pneumonia anti-flu vaccines.

Pero, ayaw nilang ibigay ito nang libre sa taumbayan!

◘◘◘

KAPAG totoo na mapanganib ang omicron, guguho ang maraming gobyerno kabilang ang Pilipinas.

Ito ay kapag muling nagpatupad ng lockdown na walang kapararakan!

◘◘◘

ANG epekto ng omicron ay mararanasan makaraan ang Mayo 2022 election.

Kaaawa-awa ang susunod na mauupo sa Malacañang!

◘◘◘

ANG mauupo sa Malacañang ay papasan ng higit sa P11 trilyong utang.

Kailangan din niyang resolbahin ang epekto ng omicron!

◘◘◘

HINDI pa dapat magsaya ang mga Pinoy.

Patuloy pa rin kasi ang pagbabanta ng WHO!

◘◘◘

KALIWA’T kanan ang dumaranas ng depresyon.

Marami ang namamatay sa alta-presyon, stroke at heart attack sanhi ng stress!

◘◘◘

ANG bangkaroteng ekonomiya ay nagbubunsod ng depresyon sa mga head of the family, solo-parent.

Hindi sila sinasaklolohan ng pamahalaan!

◘◘◘

WALANG epektibong programa ang gobyerno sa kabuuang ng 2022.

Ito ay sa gitna ng napipintong krisis sa ekonomiya!