Delos Santos, 3 ginto sa Asian Youth and Jr W'lifting C'ships

by MC @Sports News | August 12, 2026

Photo: Si Albert Ian Delos Santos nang maka-3 ginto sa 2026 Asian Youth and Junior Weightlifting Championships. (Go for Gold pic)

Ginto ang nabuhat ng Pinoy weightlifter na si Albert Ian Delos Santos matapos ang matagal na panahong paghihintay. Nangibabaw ang 19-anyos na lifter na tubong Zamboanga City sa men's 70kg junior category sa 2026 Asian Youth and Junior Weightlifting Championships sa Tashkent, Uzbekistan.

Nagwagi si Delos Santos ng tatlong gintong medalya para sa snatch (141kg), clean and jerk (180kg) at total (321 kg) sa kanyang weight class. Ang tagumpay na ito ang unang gintong medalya ni Delos Santos sa snatch, isang medalyang nanatiling mahirap na makuha niya hanggang sa kompetisyong ito.

Nagtala rin si Delos Santos ng mga bagong junior record (world at Asian) sa kategoryang 70kg ng kalalakihan, matapos ang kanyang matagumpay na pagbubuhat ng 180kg sa clean and jerk.

Noong nakaraang Mayo, sinira ni Delos Santos ang world junior record sa clean and jerk lifting ng 187kg sa 2026 IWF World Junior Weightlifting Championships sa Ismalia, Egypt.

Susunod na laban para kay Delos Santos ang ika-20 Asian Games sa Aichi-Nagoya, Japan sa susunod na buwan. Ang Pilipinas ay mag-uuwi ng 16 na ginto, anim na pilak at siyam na tanso mula sa 2026 Asian Youth and Junior Weightlifting Championships.