‘Deleter,’ humakot ng awards sa 48th MMFF Gabi ng Parangal

ni Lolet Abania | December 28, 2022

• 

• 

• 

• 

Humakot ng pinakamaraming awards at trophies para sa 48th Metro Manila Film Festival (MMFF) Gabi ng Parangal nitong Martes, mula sa walong competing entries ngayong taon, ang psychological horror na “Deleter” kabilang na ang Best Picture.

Wagi ng 7-trophy ang “Deleter”, kabilang dito ang Best Director para kay Mikhail Red, Best Actress para kay Nadine Lustre at Best Cinematography para kay Ian Guevarra.

Ang romance thriller na “Nanahimik Ang Gabi,” ay nakakuha naman ng 5 awards sa kabuuan, kabilang ang 3rd Best Picture, Best Actor para kay Ian Veneracion at Best Supporting Actor para kay Mon Confiado.

Nanalo naman ng 2nd Best Picture ang “Mamasapano: Now It Can Be Told,” na tumanggap ng 3 pang awards, kabilang ang Best Screenplay para kay Eric Ramos.

Ang ginanap na 2022 Gabi ng Parangal sa New Frontier Theater sa Quezon City nitong Martes ng gabi, ang pinakamalaking awarding ceremony ng MMFF sa tatlong taon pagdating sa attendees, ito ay sa gitna ng pagluluwag na ng mga pandemic restrictions.

Matatandaan na ang 2020 edition ay ginanap virtually, habang marami namang limitasyon ang festival noong nakaraang taon sa parehong cinema capacity at public activities, kasama na rito ang tradisyunal na Parade of Stars at ang awards night.

May temang “Balik Saya,” na bahagi ng pagbabalik in full-scale sa mga sinehan, ang 2022 MMFF ay ipinagdiwang din kasama ang mga nagsisiglahang movie audience nitong Martes sa Gabi ng Parangal.

Narito ang full list ng mga winners para sa 2022 MMFF:

• Best Float -- ‘My Father, Myself’

• Best Child Performer -- Shawn Niño Gabriel, ‘My Father, Myself’

• Best Sound -- ‘Deleter’

• Best Musical Score -- Greg Rodriguez III, ‘Nanahimik Ang Gabi’

• Best Original Theme Song -- ‘Ang Aking Mahal’ mula sa ‘Mamasapano: Now It Can Be Told’

• Best Visual Effects -- Gaspar Mangalin, ‘Deleter’

• Best Production Design -- Mariel Hizon, ‘Nanahimik Ang Gabi’

• Best Editing -- Nikolas Red, ‘Deleter’

• Best Cinematography -- Ian Guevarra, ‘Deleter’

• Gender Sensitivity Award -- ‘My Teacher’

• Star of the Night -- Ian Veneracion at Nadine Lustre

• Marichu Vera Perez Maceda Memorial Award -- Vilma Santos

• Gatpuno Antonio J. Villegas Cultural Award -- ‘Family Matters’

• FPJ Memorial Award -- ‘Mamasapano: Now It Can Be Told’

• Best Screenplay -- Eric Ramos, ‘Mamasapano: Now It Can Be Told’

• Best Supporting Actress -- Dimples Romana, ‘My Father, Myself’

• Best Supporting Actor -- Mon Confiado, ‘Nanahimik Ang Gabi’

• Best Director -- Mikhail Red, ‘Deleter’

• Best Actor -- Ian Veneracion, ‘Nanahimik Ang Gabi’

• Best Actress -- Nadine Lustre, ‘Deleter’

• 3rd Best Picture -- Shugo Praico ng ‘Nanahimik Ang Gabi’

• 2nd Best Picture -- Lester Dimaranan ng ‘Mamasapano: Now It Can Be Told’

• Best Picture -- Mikhail Red ng ‘Deleter’