Dedma sa kampanya… ARCI, TUMATAKBONG KONSEHAL PERO TODO-RAMPA SA TATE

ni Nitz Miralles - @Bida | March 27, 2022

Nagkita sa Los Angeles, California sina Piolo Pascual at Arci Muñoz at may mga nag-ship agad sa dalawa. Sana raw, bigyan uli sila ng ABS-CBN ng project together dahil marami ang nakaka-miss sa kanila.

Sa photo na magkasama sila ni Piolo, ang caption ni Arci ay “Missed ya so bad papi!!! @piolo_pascual” at sa isa pang photo, kasama ni Arci ang pamilya ni Piolo.

May mga nanghinayang naman na wala na sa L.A. si KC Concepcion, may chance raw sana na magkita sila ni Piolo. Nasa bansa na kasi si KC at isa sa mga ginagawa nito ay tumutulong sa kampanya ni Sen. Kiko Pangilinan.

May nagtanong pala kay Arci kung tuloy ang pagkandidato niyang konsehal sa Cainta dahil nasa Amerika siya. Hindi siya nakakapangampanya. Baka after elections na bumalik ng bansa si Arci na tumatakbong konsehal sa tiket ni Alvin Patrimonio na tumatakbong mayor.