Dati, aktres lang... RITZ, ASSISTANT DIRECTOR NA SA MOVIE

ni Nitz Miralles - @Bida | December 7, 2022

Sobra sigurong impressed si Atty. Ferdie Topacio sa work ethics ni Ritz Azul habang isinu-shoot ang mga eksena nito sa Mamasapano: Now It Can Be Told, dahil sa second movie ng Borracho Film Productions na Spring in Prague, assistant director si Ritz.

Tweet ni Atty. Topacio, “The talented BORRACHO FILM PRODUCTION team (which now includes actress Ritz Azul in her first ever behind the camera job as assistant director) during the pre-production of our next offering, Spring in Prague, to be shot partly in, well, Prague.”

Naikuwento ni Atty. Topacio sa second mediacon ng Borracho Film Production entry sa 2022 MMFF na kahit walang eksena si Ritz, dumarating pa rin ito sa shooting para tumulong sa production.

Newscaster ang role ni Ritz sa Mamasapano at masaya siyang makasama sa movie.

“First time kong makasama sa movie na real event ang pinagbasehan. Natutuwa ako na kahit maliit ang part ko sa movie, naging part pa rin ako nito. Noong una, kinabahan ako dahil ‘pag totoong kuwento, dapat walang sobra at tama lang ang ipapakita,” sabi ni Ritz.