Damage control daw… ALEX, TODO-BIGAY SA MGA HILIG NG FANS DAHIL ‘DI SIYA INIWAN

ni Julie Bonifacio @Winner | February 6, 2023

Pagkatapos ng kontrobersiyang pinagdaanan ni Alex Gonzaga sa pagpahid niya ng icing ng cake sa isang waiter, tinupad niya ang kahilingan ng lima sa milyun-milyon niyang subscribers sa latest vlog ng sissy ni Toni Gonzaga sa kanyang YouTube channel.

Sabi ni Alex sa kanyang vlog, “Ito ay way to personally say thank you because I really do love you all. Maraming-maraming salamat sa lahat ng netizens ko na nand’yan. Sa lahat ng replies n’yo sa last blog (ko), hindi ako iiyak, hindi ‘to podcast, hehe. Pero sa lahat ng nag-reply na ‘Nandito pa rin kami para sa ‘yo,’ nakakataba po ito ng puso at maraming- maraming salamat dahil alam ko, nandid’yan kayo, nagmamahal sa akin.

“At tunay ang pagmamahal n’yo kasi hindi ko naman kayo talaga kilala lahat pero nandid’yan kayo at nagre-reply para pagaangin ang nararamdaman ko. Kaya maraming- maraming salamat.”

Personal na pinuntahan ni Alex ang kanyang subscribers na nag-request na pa-picture, pa-shoutout, kumain sa resto nila at kung anik-anik pa.

Sa comment section ng kanyang vlog sa YT ay hangang-hanga ang mga netizens sa ginawa ni Alex.

“Grabeh! Kakaiba ‘to kasi ngayon lang ako naiyak sa vlog ng nag-iisang AG. More powers!

‘Andito lang kaming mga solid fans mo.”

“You're the best, AG. Kahit ‘di ako napili, super-saya ko na makita silang masaya. More blessings.”

“Hindi ko alam pero kapag naiiyak ‘yung nag-e-mail, parang naiiyak na rin ako. I can feel the humility and sincerity of Alex.”

Iba naman ang pananaw ng mga bashers ni Alex sa kanyang ginawa.

“Damage control. Till your next mistake.”

“Walang pa-cake?”

“On time na ba siya sa mga schedules niya? Hindi na ba siya bastos sa mga taong mas mababa ang posisyon sa kanya?”