Dahil lang kina Ipe at James… KRIS, MAY SAKIT NA, INAWAY PA SI CRISTY FERMIN SA PHONE

ni Erlinda Rapadas - @Teka Nga | July 9, 2022

May latest medical update tungkol kay Kris Aquino na kasalukuyang nagpapagamot sa Houston, Texas, USA.

Bukod sa nagka-COVID silang mag-iina (Kris, Joshua at Bimby), nahirapan din daw ang mga espesyalistang doktor sa Houston, Texas na tuklasin ang ugat ng kanyang sakit.

Hindi raw kakayanin sa ospital sa Houston na pagalingin si Kris Aquino.

Kaya, napagdesisyunan ng kanyang pamilya na ilipat na si Kris sa ibang ospital sa USA at ang inaasikaso ngayon ng pamilya ni Kris ay humanap ng mapaglilipatang ospital na may magagaling na doktor na kayang gumamot ng kanyang sakit.

Well, habang nag-aalala ang pamilya ni Kris Aquino kung paano siya ipagagamot at pagagalingin, heto naman si Kris na may panahon pa para mag-text at komprontahin ang veteran host-columnist na si Cristy Fermin tungkol sa komento nito tungkol sa mga tatay nina Joshua at Bimby na sina Phillip Salvador at James Yap.

Hindi naman masama ang intensiyon ni Cristy Fermin sa kanyang pagbibigay ng payo at opinion tungkol sa relasyon nina Joshua at Bimby sa kani-kanilang ama. Minasama lang talaga ito ni Kris.