Dagsa ang endorsements… EMAN, ALA-MAINE, BIGLANG SIKAT

ni Erlinda Rapadas @Teka Nga | March 20, 2026

Photo: Eman Bacosa Pacquiao - Instagram

Ikinukumpara ngayon si Eman Bacosa Pacquiao sa naging pagsikat noon ni Yaya Dub (Maine Mendoza). 

Phenomenal ang pagsikat ng tambalan noon nina Maine at Alden Richards, ang AlDub, na naging idolo ng maraming kabataan. Dumagsa ang mga malalaking endorsements, kahit bihira silang gumawa ng pelikula. 

Ngayon, sa Eat… Bulaga! (EB!) lang napapanood si Maine pero solid at loyal ang kanyang mga fans. 

Si Eman, bigla rin ang naging pagsikat simula nang kilalanin siya ng kanyang ama, ang Pambansang Kamao at dating senador na si Manny Pacquiao. 

Bentahe rin na nanalo siya sa unang sabak at laban niya sa boxing. Pagkatapos niyang ma-feature sa programang Kapuso Mo, Jessica Soho (KMJS), pinapirma na siya ng kontrata ng GMA Network. Bibigyan siya ng isang serye at may mga guestings sa ibang shows. 

Malalaking produkto ang ine-endorse ngayon ni Eman Bacosa Pacquiao. Inili-link siya kay Jillian Ward, pero nagtataka ang mga netizens kung bakit bawal daw siyang umakbay o yumakap sa aktres kapag nagkikita sa mga shows ng Kapuso Network.

Sino kaya ang nagbabawal?

---

May pang-shopping pa…

JOHN LLOYD, INILIBRE NG 5-DAY VACATION SA THAILAND ANG MGA CAST AT STAFF NG SHOW

MULING pinatunayan ni John Lloyd Cruz (JLC) ang kanyang likas na pagiging galante nang ilibre niya ang buong cast at crew ng Happy Together (HT) sa isang bakasyon sa Thailand. 

Hindi rin nakapagtataka na naibahagi niya ang saya kay Ellen Adarna at sa anak nilang si Elias sa Amanpulo kamakailan. Then, nakapagrelaks naman siya sa Siargao kasama ang girlfriend niyang si Isabel Santos.

Kuwento nga ng isang aktor na nakatrabaho ni Lloydie, nanlibre raw si JLC ng 5-day vacation sa Thailand sa buong cast. Libre ang air fare at hotel accommodation, plus may allowance pa na pang-shopping! 

Ganoon ka-rich ang aktor kaya keri niyang mag-leave muna sa showbiz at mamuhay nang simple. Marami na siyang naipundar at financially stable na rin. 

Well, may offer ang GMA na isang serye kay JLC, pero hindi raw niya tinanggap. It seems, ine-enjoy muna ni Lloydie ang kanyang pagbabakasyon sa iba’t ibang tourist spots.

---

Idol daw siya ng Big Winner…

HEART, GAME IBIGAY LAHAT NG KAILANGAN NI CAPRICE

IDOLO ni Caprice Cayetano ang fashion icon at Kapuso actress na si Heart Evangelista. Madalas siyang nakasubaybay noon sa mga kaganapan sa career nito. 

Gustung-gusto ni Caprice ang kakaibang fashion style ni Heart, lalo na kapag rumarampa sa Paris at New York Fashion Week. 

Nakarating kay Heart ang mga papuri nito, at flattered siya na iniidolo siya ng Pinoy Big Brother Celebrity Collab Edition (PBBCCE) 2 Kapuso Grand Winner kaya handa si Heart na suportahan ang career ni Caprice. 

Kung anuman ang kakailanganin ni Caprice — damit, sapatos, bag o jewelries kapag may event sa showbiz ay handang ibigay ni Heart. Magpasabi lang daw ito at kanyang susuportahan. 

Tulad niya, petite rin si Caprice kaya puwede rito ang mga damit niya, at pagkakataon na rin na mas lumutang ang ganda ni Caprice bilang fashionista.

---

TATLONG taon ang kontrata ni Jayson Gainza sa GMA Network pero pinapayagan din siyang lumabas at tumanggap ng guestings sa ibang network. Kailangan lang niyang magpaalam sa GMA Sparkle Artist Management kung may tatanggapin siyang project. 

Sa ngayon, masaya si Jayson sa pagho-host ng variety show na TikToClock, kasama sina Kim Atienza, Herlene Budol, Wacky Kiray, Allan Ansay, atbp..

Kasama rin si Jayson sa sitcom na Happy Together (HT), na muling ibinabalik sa GMA-7. Ito ay co-produced ni John Lloyd Cruz at directed ni Edgar “Bobot” Mortiz.