Dagdag-ruta sa mga dyip at UV express sa Oct. 25

ni Lolet Abania | October 22, 2020

Karagdagang ruta ang nakatakdang buksan ng Land Transportation, Franchising and Regulatory Board (LTFRB) para sa mga public utility jeepneys (PUJ) at UV Express na bumibiyahe sa buong Metro Manila.

Sa ipinalabas na statement ng LTFRB ngayong Huwebes, 30 dagdag na ruta ng PUJ at 22 PUV routes ang bubuksan sa Linggo, October 25, 2020.

Gayundin, may kabuuang 2,768 public utility vehicles (PUV) ang papayagang makabiyahe sa mga lugar sa National Capital Region (NCR) kahit nasa ilalim pa ng general community quarantine (GCQ).

Ayon sa direktiba ni Department of Transportation (DOTr) Sec. Arthur Tugade, dapat nang buksan ang ibang PUV routes upang maipatupad ang OPLAN AIR o Operation Plan-Add routes/PUVs, Increase speed/capacity, Reduce travel time.

“(Ito'y) Alinsunod sa desisyon ni Pangulong Rodrigo Roa Duterte at ng kanyang buong gabinete na aprubahan ang rekomendasyon ng Economic Development Council (EDC) upang tulungang makabangon muli ang ekonomiya,” sabi ni Tugade.

Base sa Memorandum Circular (MC) 2020-062 at MC 2020-063 ng LTFRB, ang kabuuang bilang ng mga behikulong maaari nang magserbisyo sa mga commuters ay ang mga sumusunod:

• MC 2020-062: 22 UV Express routes - 1,064 units

1. N25 BF Paranaque – Ayala Center

2. N26 Brgy. Fortune (Marikina City) – Cubao, Quezon City

3. N27 Deparo – SM North EDSA/C.I.T

4. N28 Deparo – Blumentritt

5. N29 Lagro – Quiapo via Sauyo

6. N30 Lagro – SM North EDSA

7. N31 Lagro – T.M. Kalaw

8. N32 Lower Bicutan – SM Makati

9. N33 Malabon – Ayala

10. N34 Novaliches – Cubao Farmers’ Market

11. N35 Novaliches – Monumento

12. N36 Pasig San Joaquin – Robinson’s Galleria

13. N37 Southmall – Lawton

14. C53 Bahayang Pag-asa – Park and Ride, Lawton

15. C54 Camella Holmes, Springville – Ayala Avenue

16. C55 Camella Homes, Springville – Metropolis Mall, Alabang

17. C56 Imus, Cavite – Ayala Avenue

18. C57 Queen’s Row, Cavite – Park and Ride, Lawton

19. C58 Sto. Nino, Meycauayan, Bulacan – Quezon Avenue

20. C59 Tabang – Tutuban

21. C60 Tanay, Rizal – EDSA Shaw Boulevard

22. C61 Malolos, Bulacan – Quezon Avenue

• MC 2020-063: 30 PUJ routes - 1,704 units

1. T172 H. Dela Costa II – SM Fairview via Quirino Highway

2. T173 Munoz Market – Quezon Memorial Circle via Visayas Ave., Congressional Ave.

3. T174 Novaliches – Camarin Extended Bagong Silang, Novaliches

4. T175 Novaliches – Rizal Ave. Via Banal

5. T176 Novaliches – Tala

6. T261 Marikina – Pasig via Dela Paz

7. T262 SM Marikina – Pasig

8. T263 Pasig (TP) – Taguig (TP) via Pateros

9. T264 Pasig Market – Taguig via Bagong Calzada

10. T265 Mambugan – Marikina

11. T3153 Gasak – Recto via Heroes Del 96

12. T3154 Gasak – Sta. Cruz via Heroes Del 96

13. T3155 L. Guinto – Makati via San Andres

14. T3156 Makati PUJ Loop (Start from PRC Terminal)

15. T3157 Malinta – Recto via F. Huertas, Oroquieta

16. T3158 Malinta – Sta. Cruz via F. Huertas, Oroquieta

17. T3159 Munoz – Pantranco via Roosevelt Ave.

18. T3160 Munoz – Remedios via Sta. Cruz, L. Guinto

19. T3161 P. Faura – San Andres via M. Adriano

20. T3162 Pier South – Project 2&3 via E. Rodriguez

21. T3163 Pier South – Project 2&3 via Timog Ave.

22. T3164 Pier South – Project 4 via Espana

23. T3165 Project 2&3 – T.M. Kalaw via Timog Ave.

24. T3166 Punta – Quiapo (Barbosa) via Sta. Mesa

25. T3167 Quezon Ave. – LRT 5th Ave., Caloocan City

26. T3168 Recto – Retiro via F. Huertas, Oroquieta

27. T3169 Recto – Roxas District via Quezon Ave., Espana Ave.

28. T3170 Divisoria – Gasak via H. Lopez

29. T426 Queens Row Village – Talon via M. Alvarez

30. T427 Molino, SM Bacoor – Alabang

“Maaaring bumiyahe ang mga roadworthy PUVs na may valid at existing Certificate of Public Convenience (CPC) o Application for Extension of Validity, at kinakailangang nakarehistro sa Personal Passenger Insurance Policy ang bawat unit sa mga rutang nakapaloob sa MC,” ayon sa inilabas na pahayag ng LTFRB.

“Bilang kapalit ng Special Permit (SP), mayroong QR Code na ibibigay sa bawat operator na dapat ilagay sa short bond paper at ipaskil sa PUV. Mada-download ang QR Code mula sa official website ng LTFRB,” dagdag na pahayag ng ahensiya.

“Muling ipinapaalala ng LTFRB na walang taas-pasahe na ipatutupad maliban na lang kung opisyal na inilahad at inaprubahan ng ahensiya.”

Patuloy na pinapayuhan ng LTFRB ang public land transport sector sa pagsunod sa “7 Commandments” na ibinigay ng mga health experts. Ito ay ang mga sumusunod: • Palagiang pagsusuot ng face mask at face shield • Bawal magsalita at makipag-usap sa telepono • Bawal kumain • Laging panatilihin ang maayos at sapat na ventilation • Laging magsagawa ng disinfection • Bawal sumakay ang mga pasaherong mayroong sintomas ng COVID-19 sa pampublikong transportasyon • Laging sundan ang panuntunan sa physical distancing o “one-seat apart” rule.

Samantala, ayon sa LTFRB, may kabuuang 322 ruta na sa PUJ na pinapayagang makabiyahe ang 28,720 units nito. Para sa modern PUJs, 48 ruta ang binuksan at 845 units ang awtorisadong mag-operate.

Umabot naman sa 34 public utility bus (PUB) routes ang balik-operasyon kung saan 4,164 units ang bumibiyahe na sa mga lansangan.

Para sa provincial buses, 305 units ang awtorisadong bumiyahe sa 14 na rutang binuksan. Sa point-to-point bus, mayroong 34 routes para sa 387 units nito.

May 98 UV Express na ruta ang bukas sa publiko na 4,327 units ang nag-o-operate. Pinayagan na rin ng gobyerno ang kabuuang 29,927 taxis at 24,356 transport network vehicle services na bumiyahe para sa mga commuters.