Crush na crush pa naman daw siya… JOSHUA, BIG WINNER NA NAHALIKAN SI IVANA

ni Mercy Lejarde @Showbiz Talkies | January 21, 2026

Photo: Joshua Garcia at Ivana Alawi sa Love is Never Gone

Nilinaw ni Joshua Garcia ang bansag sa kanya bilang ‘Higop King’ matapos mag-viral ang rebelasyon ni Ivana Alawi tungkol sa kanilang intense intimate scene sa upcoming Kapamilya teleserye na Love Is Never Gone (LING). 

Ayon sa aktor, ginagawa lamang niya nang buong husay ang kanyang trabaho at sinisiguro raw niyang may respeto, professionalism, at may malinaw na usapan sa pagitan nila ng kanyang kaeksena.

Sabi ni Ivana kay Joshua, “Grabe ka naman,” at sinagot naman daw ni Joshua ng “Humigop ba?”

Sa panayam ay hindi rin itinanggi ni Ivana na nakaramdam siya ng kilig nang mahalikan siya ni Joshua sa kinunang eksena.

Samantala, pinanatili raw niyang professional ang sarili kahit aminado siyang crush na crush niya si Joshua.

Sey pa ni Ivana, “S’yempre, crush ko ‘yun, ‘no, pero professional pa rin.”

Wow, big winner ka, Joshua, nahalikan mo ang may 20.2 million followers sa YouTube (YT) na si Ivana.

Well, kanta na nga lang tayo ng “Some guys have all the luck…

Some guys have all the pain…

Some guys get all the breaks…

Some guys do nothing but complain…”

---

“SO, many sleepless nights, so many tears… but also so much love,” ito ang pahayag ng beauty queen-aktres na si Ruffa Gutierrez sa kanyang Instagram (IG) post patungkol sa latest update sa kalusugan ng kanyang ama na veteran actor na si Eddie Gutierrez.

Saad ni Ruffa sa post niya, “Day 8 in Singapore, and we have good news!

“Everything involving Dad’s spine infection has greatly improved, according to Dr. Prem Pillay of the Neuro Spine & Pain Center at Mount Elizabeth Hospital.

“Dad’s nerves are no longer as compressed, kumakain na ulit si Daddy, and most importantly, we are hopeful that he will be able to walk again soon. 

“One more visit with his urologist, and we’re finally heading home to Manila. Yayyyy!

"We are so thankful for Dad’s ongoing recovery and for every single prayer said on his behalf. So many sleepless nights, so many tears… but also so much love.

“To everyone who checked in, stayed with us in prayer, and showed genuine concern for Dad, thank you from the bottom of our hearts. We love you all so much.

“If you’re feeling down right now, hold on to your faith. Prayers work, and miracles happen every day.”

Amen to that, Ruffa Gutierrez. Nothing is impossible with God kaya sure si yours truly, gagaling ang father dearest mo na si Eddie.

---

“DIREK Coco, saludo po ako sa inyo,” pahayag ng aktor na si Baron Geisler sa director ng Batang Quiapo (BQ) na si Direk Coco Martin.

Saad ni Baron, “Lagi akong lumalapit kay Direk Coco, ‘di alam ng karamihan ‘to, humihingi ako ng advice. And natutuwa po ako na binibigyan ako ng panahon ni Direk kahit sobrang busy n’ya, ‘di ba? He’s directing, he’s creating the story, but he still makes time to talk to me ‘pag lunch tapos hihingi ako ng payo sa kanya.  

“Bilib na bilib ako kay Direk Coco as a businessman, as an artist, ang taba ng utak n’ya kasi. Sa batch namin, wala s’yang katulad — nagdidirek, nagsusulat, nagpo-produce, may other businesses pa aside from just showbiz, and he knows how to juggle all of these things.”

Inilarawan din ni Baron si Coco bilang katrabaho.

“Tapos, pagdating sa set, napakasaya n’yang tao, napakabait n’yang tao, so du’n ako humanga sa kanya, na parang I want to be like him. 

“Direk Coco, saludo po ako sa inyo... Isa po ako sa mga tagahanga ninyo at hinding-hindi ko ikinahihiyang sabihin ‘yan, sinasabi ko sa lahat,” pagtatapos ni Baron Geisler.

‘Yun lang and I thank you.