Coleen at anak, bitbit… BILLY, JOIN SA DANCE CONTEST SA TV SA FRANCE

ni Nitz Miralles - @Bida | September 8, 2022

Ang gandang panoorin at pakinggan si Billy Crawford na nagsasalita ng French para sa promo ng new season ng Dancing With The Stars na sa French ay “Dans Avec Les Stars.”

Pati sa teaser o trailer, kasama si Billy na sumali sa dance competition sa TV sa France.

Fluent pa rin sa French si Billy dahil matagal siyang nanirahan sa France at nakakatawa ang comments ng mga friends niya.

Gaya ni Alex Gonzaga na ang sabi, “Daddy Bills, ano pinagsasabi mo dito? Talagang wala akong naiintindihan. Send help @billycrawford.”

Sinundan ito ni Jerald Napoles ng “Gets gets... I agree... bruuuh congrats!!!”

At si John Napoles, nag-comment ng “Pakabongga ng fluent ka mag-French.”

Pinakabongga ang comment ng misis niyang si Coleen Garcia na, “Can’t waittt! You’re gonna kill it, my love @billycrawford.”

Sumugod din ang maraming French na sa mga comments in French na maiintindihan dahil may translation sa Instagram, fans sila ni Billy nang sumikat ito sa France.

May nag-comment na happy siya to see Billy back in France at he speaks French well daw.

Panonoorin din nila ang Dancing With The Stars dahil kay Billy.

Kasama ni Billy sa Paris ang asawang si Coleen Garcia at anak nilang si Amari, kaya malaking bagay kapag nanalo si Billy.

This Friday, September 9, magsisimula ang TF1 media network sa France ng Dancing With The Stars. Makakasama ni Billy ang ilang sikat na dancers at performers from different countries.

Dito sa atin, napapanood si Billy bilang host sa The Wall Philippines every Sunday, 3:35 PM sa GMA-7. Partnership ito ng Viva at GMA Network.