COCO, NAGPUNTA SA BUCOR PARA MAGSORI

ni Beth Gelena @Bulgary Files | October 18, 2023

Tinawag ng Bureau of Corrections (BuCor) ang attention ng Batang Quiapo producers dahil umano sa klase ng pagsasalarawan sa kanilang agency at sa mga opisyal nito.

Dahil dito, bumisita ang lead actor ng serye na si Coco Martin kasama si Mark Lapid at ang ABS-CBN Chief Operating Officer na si Ms. Cory Vidanes kay BuCor Director General Gregorio Pio Catapang Jr. to address the concerns of the bureau.

Humingi ng apology si Coco at in-assure ang BuCor na wala silang intention na maka-offend ng agency at ng mga personnel nito.

“Kaya po kami nandito ngayon para personal po na humingi ng paumanhin pero wala po kaming intensiyon na manira or makasakit. ‘Wag po kayong mag-alala at lahat naman po ng ‘yan ay binabalanse natin,” ani Coco kay BuCor General Catapang.

Sa parte naman ni Catapang, he wants to see in the popular television series na “good will triumph against evil.”

“I look forward to seeing those characters who are playing villains in your series will be exposed and persecuted or redeem themselves to show to the public that crime does not pay and the long arm of the law will catch up for those who disregarded it,” ayon sa BuCor general.

Ang ginawa ni Coco at ng team nito ay courtesy call bilang sagot sa letter na ipinadala sa kanila ni BuCor Deputy Director General Al Perreras.

Nakatanggap daw kasi ang opisyal ng panawagan mula sa mga officials and employees ng ahensiya na nakapanood ng Batang Quiapo na may misleading concepts tungkol sa bureau na ipinapalabas sa serye kaya gusto nilang maaksiyunan ito para ‘di mabahiran ng pangit na imahe ang BuCor.