Coach Cone, at Abarrientos Nabigla sa pagretiro ng Aces

ni MC - @Sports | February 18, 2022

Ikinalungkot nina coaches Tim Cone, Chot Reyes at dalawa sa pinakamahusay na manlalaro sa Alaska Aces noon na sina Calvin Abueva at Johnny Abarrientos ang pamamaalam ng dating club sa liga ng PBA matapos ang makulay na 35 seasons.

Ginulat ng Aces noong Miyerkules ang PHL basketball fans nang ianunsiyo ang pagreretiro sa liga na mag-iiwan ng 14 na kampeonato at bihirang gram slam feat noong 1996.

Si Abueva, na nasa team na ng Magnolia Hotshots ay unang nagkampeon sa ilalim ng Aces at nasungkit ang 2013 Commissioners' Cup trophy. "It's saddening because they have a name here in the PBA and we can't forget about that," ayon kay Abueva kasunod ng panalo ng Hotshots, 112-109 kontra sa NLEX Road Warriors.

Ikinalungkot din ni Ginebra coach Cone ang balitang mawawala na sa PBA league ang team na matagal niyang pinagsilbihan bilang coach. Sa Alaska nagsimulang mag-coach si Cone at siya rin ang namahala sa Aces tungo sa PBA Grand Slam noong 1996. "I'm saddened by the news of Alaska’s exit from the PBA, but looking back, I’m extremely proud of my time (23 years) with Alaska where I made many life-time friends amongst the players and staff," ayon sa winningest coach ng liga.

Si Abarrientos, noong nasa Alaska siya ay nakasungkit ng 9 na titulo, pero naibalik siya sa prangkisa noong 2001 nang makasama niya sa Pop Cola sina Poch Juinio, Ali Peek at Jon Ordonio. Doon siya nabigyan ng pagkakataon bilang professional player at tanghaling best guards. "First of all, I was also shocked by the news. Actually, I even had to ask Jolas (Jojo Lastimosa) if the news was true because I've been hearing that news since last year but it wasn't serious at the time," ani Abarrientos, ang assistant coach ng Magnolia ngayon.

Si coach Chot ay isa sa winningest mentors ng liga dahil sa Alaska siya nagsimulang maging coach. Naging assistant coach sa Aces noong 90's sa ilalim ni head coach Tim Cone. Hindi nagtagal lumipat siya sa Coney Island Ice Cream. "I'm deeply saddened by the turn of events but I guess, like I said, I told my players today, that's life," kasunod ng panalo ng TNT, 96-81 kontra San Miguel Beer.