COA: Sara Duterte, 2 opisyal ng OVP, dapat isauli ang P73.28M confidential funds

by BRT @News | October 8, 2026

Photo: Inday Sara Duterte / FB

Inatasan ng Commission on Audit (COA) si Vice President Sara Duterte at dalawang opisyal ng Office of the Vice President (OVP) na isauli ang P73.287 milyon na confidential funds na ginastos noong Disyembre 2022.

Pinagtibay ng COA ang notice of disallowance matapos hindi makapagpakita ang OVP ng sapat na dokumentong nagpapatunay sa paggamit ng pondo.

Kabilang sa halaga ang P69.78 milyon na ipinambayad bilang “rewards” at P3.5 milyon para sa mga mesa, upuan, computer at printer.

Kasama rin sa pinagbabayad sina special disbursing officer Gina Acosta at chief accountant Julieta Villadelrey.