CLAUDINE AT JUDAY, 'DI PUWEDENG MAGSAMA SA SERYE

ni Erlinda Rapadas @Teka Nga | January 9, 2024

Malapit nang magtapos ang seryeng Lovers/Liars na pinagbibidahan ni Claudine Barretto, pero tinanggap ni Ara Mina ang mag-guest sa serye at gumanap na kontrabida ni Claudine. 

Matagal nang gusto ni Ara Mina na makatrabaho si Claudine. At tiyak na magre-react ang mga fans ni Clau sa mga eksena nilang may sampalan at may pisikalan na pag-aaway. Todo ang ibinigay nilang akting sa kanilang mga eksena. 

Wish naman ng mga fans ni Claudine, sana sa susunod daw na serye ng kanilang idolo sa GMA-7, ang iba pang dramatic actress ang kanyang makatrabaho tulad nina Aiko Melendez, Sunshine Cruz, Yasmien Kurdi o Glaiza de Castro.

Labis silang nanghihinayang na hindi puwede si Judy Ann Santos na loyal sa ABS-CBN at ayaw lumipat sa GMA Network. 

'Yun pa naman ang matagal nang hinihintay ng mga fans nina Claudine at Judy Ann. 

Sana sa pelikula, may producer na pagsamahin sila.