Chiz, kinantiyawan ng mga senador…“NAKAKAHIYA! UMABOT PA KAMI SA SENADO” — HEART

ni Nitz Miralles @Bida | February 5, 2023

May reaction si Heart Evangelista sa nangyari sa Senate session last February 1, 2023 kung saan biniro ng mga kapwa senador ang asawang si Sen. Chiz Escudero.

Si Sen. Grace Poe ang nagsimula nang habang nasa podium, nag-dialogue ng “Love is worth fighting for,” na sinundan ni Senate President Miguel Zubiri ng “We believe in second chances.”

Hindi nagpahuli si Sen. Joel Villanueva sa comment na “We heart Chiz.”

Sabi ni Heart, “Nakakahiya! Umabot pa kami sa Senado. It’s nice to see everybody supported,” saka ngumiti.

Galing sina Heart at Chiz sa Paris nang dumalo ang aktres sa Paris Couture Fashion Show. First time na kasama ni Heart si Chiz sa Paris at sabi nito, mas nakakatulong sa kanya ang suporta ng mister.

Nabanggit din ni Heart na babalik siya sa Paris for work at para ayusin ang kanyang apartment bago ipakita kay Chiz. Ibig sabihin, hindi pa nakikita ni Chiz ang biniling apartment ni Heart.

Na-interview si Heart sa Pond’s event na 10 years na siyang endorser at isa ‘yun sa mga naitanong sa kanya. Parang advance birthday na rin niya ang Pond’s event dahil binigyan siya ng birthday cake.